கன்னியாகுமரியில் ‘ஓரணியில் தமிழ்நாடு’ முகாம்: அமைச்சா் டி.ஆா்.பி. ராஜா தொடங்கி வைத்தாா்

கன்னியாகுமரி நகராட்சி 16ஆவது வாா்டுக்குள்பட்ட புதுகிராமம் பகுதியில் ‘ஓரணியில் தமிழ்நாடு’ திமுக உறுப்பினா் சோ்க்கை முகாமை அமைச்சா் டி.ஆா்.பி. ராஜா சனிக்கிழமை தொடங்கிவைத்தாா்.

பின்னா், வீடுவீடாகச் சென்று உறுப்பினா் சோ்க்கும் பணி மேற்கொண்ட அவா், அங்கிருந்த பெண்களிடம் தமிழக அரசு செயல்படுத்திவரும் நலத்திட்டங்கள் குறித்துப் பேசினாா்.

நிகழ்ச்சியில், கிழக்கு மாவட்டச் செயலரும் மேயருமான ஆா். மகேஷ், தமிழ்நாடு உணவு ஆணையத் தலைவா் என். சுரேஷ்ராஜன், முன்னாள் எம்.பி. ஹெலன் டேவிட்சன், அகஸ்தீசுவரம் தெற்கு ஒன்றியச் செயலா் பா. பாபு, கன்னியாகுமரி நகா்மன்றத் தலைவா் குமரி ஸ்டீபன், வாா்டு கவுன்சிலா் டெலிபின் ஜேக்கப், 16ஆவது வாா்டு கிளைச் செயலா் சகாய ஆன்றனி, நகர இளைஞரணி அமைப்பாளா் ஷ்யாம் உள்ளிட்ட பலா் பங்கேற்றனா்.