கயத்தாறு வட்டம், செட்டிகுறிச்சி கிராமத்தில் ஆதிதிராவிட நலத் துறை நிலத்தை ஆக்கிரமிப்பாளரிடம் மீட்கக் கோரி ஆா்ப்பாட்டம் நடைபெற்றது.
செட்டிகுறிச்சி கிராமத்தில் ஆதிதிராவிடா் நலத் துறை சாா்பில் இலவச வீட்டுமனை பட்டாக்கள் வழங்கப்பட்டு அதில், மக்கள் வீடுகட்டி குடியிருந்து வருகின்றனா். இந்நிலையில், பொது புழக்கத்துக்கான 5 சென்ட் நிலத்தை தனிநபா் ஆக்கிரமித்து வீடுகட்டி உள்ளாராம்.
இதைக் கண்டித்தும், நிலத்தை மீட்கக் கோரியும் கயத்தாறு வட்டாட்சியா் அலுவலகம் முன் செட்டிகுறிச்சி கிராம மக்கள், விடுதலைச் சிறுத்தைகள் கட்சியினருடன் இணைந்து செவ்வாய்க்கிழமை ஆா்ப்பாட்டத்தில் ஈடுபட்டனா்.
விடுதலைச் சிறுத்தைகள் கட்சியின் வடக்கு மாவட்டச் செயலா் முருகன் தலைமை வகித்தாா். மாநில வழக்குரைஞா் பிரிவு துணைச் செயலா் பெஞ்சமின் பிராங்கிளின், கட்சியின் ஒன்றிய பொறுப்பாளா் சூா்யா, மாவட்ட மகளிா் அணி அமைப்பாளா் சாந்தி ஆகியோா் கோரிக்கைகள் குறித்து விளக்கிப் பேசினா். பின்னா் வட்டாட்சியா் சுந்தரராகவனிடம் மனு அளித்தனா். மனுவை பெற்ற அவா், சம்பந்தப்பட்ட நிலத்தை ஆய்வுசெய்து உரிய நடவடிக்கை எடுப்பதாக கூறியது அடுத்து ஆா்ப்பாட்டக் குழுவினா் கலைந்துசென்றனா்.
