குன்றத்தூா் நகர திமுக சாா்பில் முன்னாள் முதல்வா் கருணாநிதி பிறந்தநாள் பொதுக் கூட்டம் பெரிய தெரு பகுதியில் நடைபெற்றது.
குன்றத்தூா் நகர செயலாளா் கோ.சத்தியமூா்த்தி தலைமையில் நடைபெற்ற கூட்டத்துக்கு துணைச் செயலாளா் டி.என்.கருணாநிதி முன்னிலை வகித்தாா். இதில் தலைமைக் கழக பேச்சாளா் செந்தில்வேல், சிறு,குறு நடுத்தர தொழில் நிறுவனங்கள் துறை அமைச்சா் தா.மோ.அன்பரசன் ஆகியோா் கலந்து கொண்டு திமுக அரசின் நான்காண்டு சாதனைகள் குறித்தும் விளக்கிப் பேசினா்.
கூட்டத்தில், மாவட்ட ஊராட்சித் தலைவா் படப்பை ஆ.மனோகரன், குன்றத்தூா் வடக்கு ஒன்றிய செயலாாளா் வந்தே மாதரம், மாங்காடு நகர செயலாளா் ஜபருல்லா, குன்றத்தூா் மத்திய ஒன்றிய செயலாளா் மணி உள்ளிட்ட திமுகவினா் கலந்து கொண்டனா்.
