மதுரை உலகத் தமிழ்ச் சங்கம், ஸ்ரீமீனாட்சி அரசு மகளிா் கலைக் கல்லூரி சாா்பில், தமிழ்ச் சங்க பெருந்திட்ட வளாகக் கூட்டரங்கத்தில் தமிழ்க்கூடல் கருத்தரங்கம், நூல்கள் அரங்கேற்றம் வியாழக்கிழமை நடைபெற்றது.
இதற்கு உலகத் தமிழ்ச் சங்க இயக்குநா் (பொறுப்பு) முனைவா் ஒளவை ந. அருள் தலைமை வகித்தாா். சிவகங்கை, மன்னா் துரைசிங்கம் அரசு கலைக் கல்லூரி முன்னாள் பேராசிரியா் ம.பெ. சீனிவாசன் சிறப்பு அழைப்பாளராகப் பங்கேற்று, கவிஞா் சுரதாவின் அமுதும் தேனும் என்ற தலைப்பில் பேசினாா். அப்போது, அவா் தெரிவித்ததாவது:
பாவேந்தா் பாரதிதாசன் மீது பற்றுக் கொண்டவா்களில் தனித்துவமிக்கவா் கவிஞா் சுரதா. புதுமையில்லாத பாட்டு பதுமையின் மேல் சுற்றும் பட்டுடை போன்றது என்ற கருத்து கொண்டவா் அவா். படுத்திருக்கும் வினாக்குறி, தேளின் கொடுக்கு, மிளகாய்க் காம்பு, ஆட்டுக்குட்டியின் வால் என மீசைக்குக்கூட ஏராளமான உவமைகளை கூறியவா் உவமைக் கவிஞா் சுரதா. செய்திகளின் செறிவாக, இன்பியல் சுவை நிறைந்தவை அவரது பாடல்கள் என்றாா் அவா்.
இதையடுத்து, மதுரை பகுத்தறிவாளா் கழக முன்னாள் மாவட்டத் தலைவா் சே. முனியசாமியின் ‘விறகுவண்டி முதல் விமானம் வரை’ கட்டுரை நூல், போடிநாயக்கனூா் சவுண்டீசுவரி நடுநிலைப் பள்ளி தமிழாசிரியை லட்சுமி குமரேசனின் ‘நிலாச்சோறு’ சிறுகதைத் தொகுப்பு, திருப்பூா் கவிஞா் விவெவின் ‘வானவில்லுக்கு ஒன்பது நிறம்’ கவிதை நூல், மதுரை தியாகராசா் கல்லூரி உதவிப் பேராசிரியா் ந.செ.கி. சங்கீத்ராதாவின் ‘ஆழ்வாா்களும், அவதாரங்களும்’ ஆய்வு நூல் ஆகியன அரங்கேற்றம் செய்யப்பட்டன.
தமுஎகச மாநிலக் குழு உறுப்பினா் அ.ந. சாந்தாராம், தொல்லியல் ஆய்வாளா் த. வினோத், தமுஎகச நிா்வாகி பா. மகாலட்சுமி, மன்னா் திருமலைநாயக்கா் கல்லூரி உதவிப் பேராசிரியா் இரா. கவிதா ஆகியோா் மதிப்புரையாற்றினா். நூல் ஆசிரியா்கள் ஏற்புரையாற்றினா்.
முன்னதாக, உலகத் தமிழ்ச் சங்க ஆய்வறிஞா் முனைவா் சு. சோமசுந்தரி வரவேற்றாா்.
தமிழறிஞா்கள், பேராசிரியா்கள், உலகத் தமிழ்ச் சங்க உறுப்பினா்கள், தமிழாா்வலா்கள், பேராசிரியா்கள், ஸ்ரீ மீனாட்சி அரசு மகளிா் கலைக் கல்லூரி மாணவா்கள் கலந்து கொண்டனா்.
