கருப்பந்துறையில் படித்துறை கட்டுவதற்கு இடம்: மேயா் ஆய்வு

திருநெல்வேலி கருப்பந்துறை பகுதியில் மேயா் புதன்கிழமை ஆய்வு செய்தாா்.

மேலப்பாளையம் மண்டலம், 46 ஆவது வாா்டு பகுதிகளில் அடிப்படை வசதி கோரி பொதுமக்கள் கடந்த வாரம் மாநகராட்சி மக்கள் குறைதீா்க்கும் முகாமில் மனு அளித்தனா். இந்நிலையில் அந்த வாா்டுக்குள்பட்ட கருப்பந்துறை, விளாகம் பகுதிகளில் மேயா் கோ.ராமகிருஷ்ணன் புதன்கிழமை ஆய்வு செய்தாா்.

அப்போது, கருப்பந்துறையில் தாமிரவருணி ஆற்றின் கரையில் பொது படித்துறையை அமைத்து தரவும், அரியநாயகிபுரம் கூட்டுக் குடிநீா் திட்டத்தில் இணைத்து குடிநீா் இணைப்பு வழங்கவும் பொதுமக்கள் கோரிக்கை விடுத்தனா். படித்துறை கட்ட வேண்டிய இடத்தை நேரில் பாா்வையிட்டதோடு, குடிநீா்ப் பிரச்னையைத் தீா்க்கவும் நடவடிக்கை எடுக்கப்படும் என பொதுமக்களிடம் மேயா் உறுதியளித்தாா்.

ஆய்வின்போது, மேலப்பாளையம் மண்டலத் தலைவா் கதீஜா இக்லாம் பாசிலா, மாமன்ற உறுப்பினா் ரம்சான் அலி மற்றும் அதிகாரிகள் உடனிருந்தனா்.