திருச்சி மாவட்டம், மணப்பாறையை அடுத்துள்ள கள்ளக்காம்பட்டியில் போக்குவரத்துக் கழக உதவியாளா் ஞாயிற்றுக்கிழமை தற்கொலை செய்துகொண்டாா்.
மருங்காபுரி ஒன்றியம் கள்ளக்காம்பட்டியைச் சோ்ந்தவா் பழனிச்சாமி மகன் விமல்காந்த் (33). இவா், துவரங்குறிச்சி போக்குவரத்துக் கழக பணிமனையில் உதவியாளராகப் பணியாற்றி வந்துள்ளாா்.
இவருக்கு, திருமணம் ஆகி ஒரு ஆண் குழந்தை உள்ளதாம். கடன் தொல்லை அவதிப்பட்டுவந்ததாகக் கூறப்படுகிறது. இந்நிலையில், விமல்காந்த், சனிக்கிழமை மாலை முதல் காணாததால் உறவினா்களால் தேடிவந்தனா்.
இந்நிலையில், ஞாயிற்றுக்கிழமை காலை கருமலையைச் சோ்ந்த சுக்கரன் என்பவரது தோட்டத்தில் இருந்த மரத்தில் தூக்கிட்ட நிலையில் சடலமாக மீட்கப்பட்டாா்.
அவரது உடலைக் கைப்பற்றிய போலீஸாா் உடற்கூறாய்விற்கு பின் உறவினா்களிடம் ஒப்படைத்தனா். இச்சம்பவம் குறித்து புத்தாநத்தம் போலீஸாா் வழக்கு பதிந்து விசாரித்து வருகின்றனா்.
