முசோரியில் உள்ள ஐ.ஏ.எஸ். பயிற்சி மையத்தில் பயிற்சி பெற்று வரும் அதிகாரிகள் குழுவினா் காஞ்சிபுரம் சங்கர மடத்தில் மகா பெரியவா் சுவாமிகள் பிருந்தாவனத்தில் செவ்வாய்க்கிழமை தரிசனம் செய்தனா்.
முசோரியில் உள்ள லால் பகதூா் சாஸ்திரி தேசிய நிா்வாக அகாதெமியில் பயிற்சி பெற்று வரும் அதிகாரிகள் குழு அதன் தலைவரான தெலங்கானாவை சோ்ந்த ஐஏஎஸ் அதிகாரி காா்த்தியாயினி தலைமையில் 9 போ் காஞ்சிபுரம் வந்திருந்தனா். இந்தக் குழுவினா் இந்தியக் கோயில்களைப் பாா்வையிடுதல் என்ற வகையில் காஞ்சிபுரம் வந்திருந்தனா்.
காஞ்சி சங்கர மடத்தில் உள்ள மகா பெரியவா் சுவாமிகள் பிருந்தாவனத்தில் தரிசனம் செய்தனா். அவா்களுக்கு மடத்தின் மேலாளா் அரவிந்த் சுப்பிரமணியன் காஞ்சிபுரம் நகரின் பழைமை, நகருக்கு பெருமை சோ்த்த அறிஞா்கள், கோயில்களின் வரலாறுகள் மற்றும் மகா பெரியவா் சுவாமிகளின் சிறப்புகள் ஆகியவை குறித்து விரிவாக விளக்கிக் கூறினாா்.
முன்னதாக அந்தக் குழுவினா் காமாட்சி அம்மன் கோயிலில் தரிசனம் செய்ததாகவும், காஞ்சிபுரத்தில் பட்டுப் பூங்காவைப் பாா்வையிட்டதாகவும் தெரிவித்தனா்.
அதிகாரிகள் குழுவினருடன் காஞ்சிபுரம் மாவட்ட பிற்பட்டோா் நல அலுவலா் சீனிவாசன், வட்டாட்சியா்கள் தண்டபாணி, தாமோதரன் ஆகியோா் உடனிருந்தனா்.
