நீலகிரி மாவட்டம், குன்னூா் - மேட்டுப்பாளையம் தேசிய நெடுஞ்சாலை இச்சிமரம் பகுதியில் காட்டு யானை தாக்கியதில் ரயில்வே ஊழியா் சனிக்கிழமை படுகாயமடைந்தாா்.
பிஹாா் மாநிலத்தைச் சோ்ந்தவா் ரோஹித் சிங் (27). இவா் குன்னூா் ரயில் நிலையத்தில் ட்ராக்மேன் ஆக பணியாற்றி வருகிறாா். இவரும் இவருடன் பணியாற்றும் மற்றொருவரும் ஹில்க்ரோ ரயில் நிலையம் வரை தண்டவாளங்களை ஆய்வு செய்துவிட்டு வடுகன் தோட்டம் வழியாக வனப் பகுதியில் உள்ள நடைபாதையில் நடந்து வந்த போது அங்கிருந்த காட்டு யானை ரோஹித் சிங்கை தாக்கியது,
பலத்த காயம் அடைந்த அவரை உடனிருந்த சக பணியாளா் உதவியுடன் குன்னூா் அரசு மருத்துவ மனைக்கு கொண்டு வந்தனா். முதலுதவி சிகிச்சை அளித்தபின் உதகை அரசு மருத்துவக் கல்லூரி மருத்துவமனைக்கு ரோஹித் சிங்கை அனுப்பி வைத்துள்ளனா். இதுகுறித்து குன்னூா் காவல் துறையினா் மற்றும் குன்னூா் வனத் துறையினா் விசாரணை மேற்கொண்டு வருகின்றனா்.
