காதலிக்க மறுத்த மாணவிக்கு கத்திக்குத்து: இளைஞா் வெறிச்செயல்

கடலூா் மாவட்டம், விருத்தாசலம் அருகே வெள்ளிக்கிழமை காதலிக்க மறுத்த பள்ளி மாணவியை பேருந்தில் இருந்து இழுத்து கத்தியால் குத்திவிட்டு தப்பிச் சென்ற இளைஞரை போலாஸாா் தேடி வருகின்றனா்.

விருத்தாசலம் வட்டம், ஆலடியை அடுத்துள்ள இருளக்குறிச்சி கிராமத்தை சோ்ந்த பெண், முல்லா தோட்டத்தில் வாடகை வீட்டில் வசித்து வருகிறாா்.

இவரது இரு மகள்களும் விருத்தாசலம் பகுதியிலுள்ள அரசு மேல்நிலைப் பள்ளியில் படித்து வருகின்றனா். இதில், பிளஸ் 2 படிக்கும் மூத்த மகள் வெள்ளிக்கிழமை காலை வழக்கம்போல பள்ளிக்குச் செல்ல கடை வீதி பேருந்து நிறுத்தத்தில் பேருந்துக்காக காத்திருந்தாா். பேருந்து வந்ததும் அதில் அவா் ஏற முற்பட்டபோது, அங்கு வந்த ஓா் இளைஞா், மாணவியின் உடையைப் பிடித்து இழுத்து கீழே தள்ளி சரமாரியாகத் தாக்கினாா்.

அப்போது, அந்த இளைஞா் ‘நீ என்னை காதலிக்கவில்லை என்றால், கொலை செய்துவிடுவேன்’ எனக் கூறி, கையில் வைத்திருந்த சிறிய கத்தியால் மாணவியின் தலையில் குத்தி காயப்படுத்தினாராம். இந்த சம்பவத்தால் அதிா்ச்சியடைந்த மாணவி மயக்கமடைந்தாா்.

இதைத் தட்டிக்கேட்ட மாணவியின் தங்கை மற்றும் சக மாணவிகளையும் தாக்கிய அந்த இளைஞா், அங்கிருந்து தயாராக இருந்த நண்பரின் பைக்கில் ஏறி தப்பிச் சென்றுவிட்டாா்.

அங்கிருந்தவா்கள் மயக்க நிலையில் இருந்த மாணவியை மீட்டு, விருத்தாசலம் அரசு மருத்துவமனைக்கு அனுப்பி வைத்தனா்.

தகவலறிந்து விரைந்து வந்த விருத்தாசலம் போலீஸாா் நடத்திய விசாரணையில், தாக்குதல் நடத்தியது கோபாலபுரம், புது சாலை பகுதியைச் சோ்ந்த அருண்குமாா் (19) என்பது தெரியவந்தது. அவா் ஏற்கெனவே மாணவிக்கு காதல் தொல்லை கொடுத்ததால், மாணவியின் குடும்பத்தினா் கண்டித்திருந்த நிலையில், பழிவாங்கும் நோக்கில் மாணவி மீது தாக்குதல் நடத்தியிருப்பது தெரியவந்தது.

இதுகுறித்து விருத்தாசலம் போலீஸாா் மாணவியின் வாக்குமூலத்தை புகாராகப் பெற்று வழக்குப் பதிவு செய்து, தப்பிச் சென்ற அருண்குமாா் மற்றும் அவருடன் வந்த இளைஞரைத் தேடி வருகின்றனா்.