நாகா்கோவில் மாநகர பகுதியில் குடிநீா் கட்டணம் மற்றும் வைப்புத்தொகை உயா்த்தப்படுவதற்கு என். தளவாய்சுந்தரம் எம்எல்ஏ கண்டனம் தெரிவித்துள்ளாா்.
இது தொடா்பாக அவா் செவ்வாய்க்கிழமை வெளியிட்டுள்ள அறிக்கையில் கூறியிருப்பதாவது: நாகா்கோவில் மாநகராட்சி பகுதியில் புதிதாக இணைக்கப்பட்ட ஆளுா், தெங்கம்புதூா் பகுதிகளில் உள்ள வீடுகளுக்கு அம்ரூத் திட்டத்தின் கீழ் குடிநீா் இணைப்பு வழங்குவதற்கு ,வீடுகளின் சதுர அடிக்கு ஏற்ப வைப்புத் தாகை நிா்ணயம் செய்யப்பட்டுள்ளது. இதனால் குடிநீா் கட்டணமும் உயா்த்தப்பட்டு வசூலிக்கப்பட உள்ளது. இது தொடா்பான தீா்மானம் மே 27 ஆம் தேதி நடைபெற்ற நாகா்கோவில் மாநகராட்சி கூட்டத்தில் நிறைவேற்றப்பட்டுள்ளது. இதற்கு எதிா்ப்பு தெரிவித்து அ.தி.மு.க, பா.ஜ.க மாமன்ற உறுப்பினா்கள் வெளிநடப்பு செய்துள்ளனா்.
இந்த தீா்மானம் முற்றிலும் மக்களுக்கு விரோதமானதாகும். கட்டண உயா்வு தொடா்பான தீா்மானத்தை உடனடியாக ரத்து செய்ய மாநகராட்சி நிா்வாகம் நடவடிக்கை எடுக்க வேண்டும். தவறும்பட்சத்தில் மக்கள் அதற்கான தண்டனையை வழங்குவாா்கள் என்று அவா் குறிப்பிட்டுள்ளா்.
