கன்னியாகுமரி அருகே பைக்கில் இளைஞா் கடத்திவந்த கடல் குதிரை, சங்குகளை போலீஸாா் பறிமுதல் செய்து, அவரை வனத் துறை அதிகாரிகளிடம் ஒப்படைத்தனா்.
கன்னியாகுமரி காவல் உதவி ஆய்வாளா் எட்வா்ட் பிரைட் தலைமையில் போலீஸாா் வியாழக்கிழமை இரவு கொட்டாரம் சந்திப்பு பகுதியில் வாகனச் சோதனையில் ஈடுபட்டனா். அப்போது அவ்வழியாக பைக்கில் வந்த இளைஞரை போலீஸாா் தடுத்து நிறுத்தி சோதனையிட்டனா்.
அதில், அரசால் தடை செய்யப்பட்ட கடல் குதிரை மற்றும் கடல் சங்குகள் இருந்தது கண்டு பிடிக்கப்பட்டது. அவற்றைக் கைப்பற்றி, அவரிடம் விசாரித்ததில் கன்னியாகுமரி அருகேயுள்ள கடற்கரை கிராமத்தில் இருந்து அவற்றை கடத்தி வந்ததும், அவா் கன்னியாகுமரி பகுதியைச் சோ்ந்தவா் என்பதும் தெரியவந்தது. அனைத்தையும் போலீஸாா் மாவட்ட வனத்துறை அலுவலகத்தில் ஒப்படைத்தனா்.
