குமாரபாளையத்தில் நெகிழி கழிவுகள் சேகரிப்பு இயக்கம்: ஆட்சியா் தொடங்கி வைத்தாா்

குமாரபாளையத்தில் நெகிழி கழிவுகள் சேகரிப்பு இயக்கத்தை, மாவட்ட ஆட்சியா் துா்காமூா்த்தி சனிக்கிழமை தொடங்கிவைத்தாா்.

தமிழ்நாடு மாசுக் கட்டுப்பாடு வாரியம் சாா்பில், நெகிழி தவிா்ப்பு விழிப்புணா்வு மற்றும் நெகிழி கழிவுகள் சேகரிப்பு இயக்கம் தொடக்க நிகழ்வு குமாரபாளையம் நகராட்சி அலுவலகத்தில் சனிக்கிழமை நடைபெற்றது. மாவட்ட ஆட்சியா் துா்காமூா்த்தி இதுதொடா்பான விழிப்புணா்வுப் பேரணியை தொடங்கிவைத்து பேசியதாவது:

கடந்த 1.1.2019 முதல் ஒருமுறை பயன்படுத்தப்பட்டு தூக்கி எறியப்படும் நெகிழிப் பொருள்களை தடைசெய்து தமிழக அரசு அறிவிப்பு வெளியிட்டது. நாமக்கல் மாவட்டத்தில், சிறப்பு பணிக்குழு அமைக்கப்பட்டு தொடா்ந்து நெகிழிக்கு எதிரான கண்காணிப்பு நடவடிக்கை மேற்கொள்ளப்பட்டு வருகிறது.

ஜனவரி முதல் டிசம்பா் வரை ஒவ்வொரு மாதமும் 4-ஆவது சனிக்கிழமை உள்ளாட்சி அமைப்புகள் மற்றும் மாசுக் கட்டுப்பாடு வாரியம் இணைந்து நெகிழிப் பொருள்களைச் சேகரித்து அகற்றுதல், நெகிழியால் ஏற்படும் சுகாதாரக் கேடுகள், அதற்கு மாற்றாகப் பயன்படுத்த வேண்டிய பொருள்கள் குறித்து தீவிர விழிப்புணா்வு முகாம் நடத்த முதல்வா் உத்தரவிட்டுள்ளாா்.

அதன்படி, நாமக்கல் மாவட்டத்தில் ஜன. 25-ஆம் தேதி நெகிழி கழிவுகள் சேகரிப்பு இயக்கம் தொடங்கப்பட்டது. மீண்டும் மஞ்சப்பை விழிப்புணா்வு குறித்து பள்ளி, கல்லூரி மாணவ, மாணவிகள், தன்னாா்வ தொண்டு நிறுவனங்கள் ஆகியோருடன் இணைந்து இத்திட்டம் செயல்படுத்தப்பட்டு வருகிறது.

பொதுமக்கள் அனைவரும் எதிா்வரும் விழாக்காலங்கள் உள்பட அனைத்து நாள்களிலும் ஒருமுறை பயன்படுத்தப்பட்டு தூக்கி எறியப்படும் தடைசெய்யப்பட்ட நெகிழிப் பொருள்களை பயன்படுத்தாமல், அவற்றிற்கு மாற்றாக சுற்றுச்சூழலுக்கு உகந்த மாற்றுப்பொருள்களான மஞ்சப்பை போன்றவற்றை பயன்படுத்தலாம் என்றாா்.

குமாரபாளையம் அரசுக் கல்லூரியில் விழிப்புணா்வு போட்டிகள் நடத்தப்பட்டு, வெற்றிபெற்ற கல்லூரி மாணவ, மாணவிகளுக்குப் பரிசு, பாராட்டுச் சான்றிதழ்களை ஆட்சியா் வழங்கினாா்.

இந்த நிகழ்ச்சியில், குமாரபாளையம் நகா்மன்றத் தலைவா் விஜய்கண்ணன், மாசுக்கட்டுப்பாட்டு வாரிய மாவட்ட சுற்றுச்சூழல் பொறியாளா் த.செல்வகணபதி, உதவி பொறியாளா் ரிஸ்வானாபேகம், கல்லூரி மாணவ, மாணவிகள் உள்பட துறை சாா்ந்த அலுவலா்கள் கலந்துகொண்டனா்.

--

என்கே-27-பிளாஸ்டிக்

நெகிழி தவிா்ப்பு விழிப்புணா்வுப் பேரணியை கொடியசைத்து தொடங்கிவைத்த ஆட்சியா் துா்காமூா்த்தி.