கன்னியாகுமரி மாவட்டம் குழித்துறை அருகே விபத்தில் காயமடைந்த பேரூராட்சி ஒப்பந்தப் பணியாளா் புதன்கிழமை உயிரிழந்தாா்.
தக்கலை அருகே குமாரபுரம், சரல்விளை பகுதியைச் சோ்ந்த ஜோசப்ராஜ் மகன் எட்வின் ஜோஸ் (41). குமாரபுரம் பேரூராட்சியில் ஒப்பந்த அடிப்படையில் வாகன ஓட்டுநராக வேலை பாா்த்து வந்த இவா், கடந்த செவ்வாய்க்கிழமை (செப். 30) குழித்துறையிலிருந்து களியக்காவிளைக்கு பைக்கில் சென்றாா். கல்லுக்கட்டி பகுதியில் அவா் மீது கனிமவள லாரி மோதியதாம்.
அதில், காயமடைந்த எட்வின் ஜோஸை மீட்டு குழித்துறை அரசு மருத்துவமனையில் சோ்த்தனா். பின்னா், மேல்சிகிச்சைக்காக ஆசாரிப்பள்ளம் அரசு மருத்துவக் கல்லூரி மருத்துவமனையில் அனுமதிக்கப்பட்டாா். அங்கு அவா் புதன்கிழமை உயிரிழந்தாா். களியக்காவிளை போலீஸாா் வழக்குப் பதிந்து விசாரணை மேற்கொண்டனா்.
