கொடைக்கானல் கீழ்மலைப் பகுதியில் ‘உங்களுடன் ஸ்டாலின்’ திட்ட குறைதீா் முகாம்

திண்டுக்கல் மாவட்டம், கொடைக்கானல் கீழ்மலைப் பகுதியான கே.சி. பட்டி ஊராட்சியில் ‘உங்களுடன் ஸ்டாலின்’ திட்ட குறைதீா் முகாம் வியாழக்கிழமை நடைபெற்றது.

இந்த முகாமுக்கு கொடைக்கானல் வருவாய்க் கோட்டாட்சியா் திருநாவுக்கரசு தலைமை வகித்தாா்.சிறப்பு அழைப்பாளராக பழனி சட்டப்பேரவை உறுப்பினா் ஐ.பி. செந்தில்குமாா் கலந்து கொண்டு பேசுகையில், இந்த முகாமில் பொதுமக்களிடமிருந்து பெறப்படும் மனுக்கள் மீது 45 நாள்களில் தீா்வு காணப்படும் என்றாா்.

தொடா்ந்து, குடிமைப் பொருள் வட்ட வழங்கல் மூலமாக கே.சி. பட்டி, கோரங்கொம்பு, குறவனாச்சி ஓடை, பூதமலை, கடைசிக்காடு ஆகிய கிராமங்களைச் சோ்ந்த பழங்குடியினருக்கு புதிய குடும்ப அட்டைகளை வழங்கினாா். மேலும், உடனடியாகத் தீா்வு காணப்பட்ட குடும்ப அட்டையில் பெயா் நீக்குதல், மின்வாரியத்தில் பெயா் மாற்றம் செய்தல், வீட்டு வரி பெயா் மாற்றம் செய்தல் ஆகிய சான்றிதழ்களையும் பயனாளிகளுக்கு அவா் வழங்கினாா்.

இந்த முகாமில் 1,500-க்கும் மேற்பட்ட மனுக்கள் பெறப்பட்டது. இதில், கொடைக்கானல் வட்டாட்சியா் பாபு, வட்டார வளா்ச்சி அலுவலா் பிரபா ராஜமாணிக்கம் உள்ளிட்டோா் கலந்து கொண்டனா்.