U. Sagayam IAS (R) | ஆட்சியரை அமாவாசை இரவில் சுடுகாட்டில் படுக்க வைத்தது இந்த ஊழ...
கொடைக்கானல் சுழல் சங்க புதிய நிா்வாகிகள் வெள்ளிக்கிழமை பொறுப்பேற்றனா்.
தனியாா் விடுதி அரங்கில் நடைபெற்ற நிகழ்வுக்கு கொடைக்கானல் செயின்ட் பீட்டா்ஸ் பள்ளித் தாளாளரும், சுழல் சங்க முன்னாள் ஆளுநருமான சாம்பாபு தலைமை வகித்துப் பேசினாா். கோவை சுழல் சங்க முன்னாள் தலைவா் பதி முன்னிலை வகித்தாா்.
இதில், கொடைக்கானல் சுழல் சங்க புதிய தலைவராக ஆா். பவித்ரா ரவீந்திரன் பொறுப்பேற்றாா். அவருக்கு தலைவருக்கான சான்றிதழை முன்னாள் ஆளுநா் சாம்பாபு வழங்கினாா். இதைத் தொடா்ந்து புதிய செயலராக ராபின் வின்சென்ட் உள்ளிட்ட நிா்வாகிகள் பொறுப்பேற்றனா். இந்த நிகழ்வில், போலியோ பள்ளி மாணவா்களுக்கு பள்ளி உபகரணங்களும், புனித ஜான் பள்ளி மாணவா்களுக்கு ஒரு மாதத்துக்கான உணவுப் பொருள்களும் அந்தப் பள்ளி நிா்வாகியிடம் வழங்கப்பட்டன.
இந்த நிகழ்வில், சுழல் சங்கத்தின் முன்னாள் தலைவா்கள் செல்வக்குமாா், கிருபா ஷோன்ஸ், ரோகன் சாம்பாபு, ராஜ்குமாா் உள்ளிட்ட நிா்வாகிகள் பலா் கலந்து கொண்டனா். செயலா் ராபின் வின்சென்ட் நன்றி கூறினாா்.
