கொத்தடிமை தொழிலாளா் முறை ஒழிப்பு தினம்: செங்கல் சூளைகளில் கோட்டாட்சியா் ஆய்வு

தமிழக அரசின் கொத்தடிமை தொழிலாளா் முறை ஒழிப்பு தினத்தை முன்னிட்டு, அரக்கோணம் அருகே உள்ஷ செங்கல் சூளைகளில் அரக்கோணம் கோட்டாட்சியா் வெங்கடேசன் நேரில் சென்று ஆய்வு செய்தாா்.

தமிழ்நாடு அரசு பிப்ரவரி 9-ஆம் தேதியை கொத்தடிமை தொழிலாளா் முறை ஒழிப்பு தினமாக அனுசரித்து வருகிறது. இந்தத் தினத்தை முன்னிட்டு, அரக்கோணம் மற்றும் நெமிலி வட்டங்களில் உள்ள செங்கல் சூளைகளில் வெள்ளிக்கிழமை அரக்கோணம் கோட்டாட்சியா் வெங்கடேசன் திடீா் சோதனை நடத்தினாா்.

அரக்கோணத்தை அடுத்த பெருமூச்சி கிராமத்தில் உள்ள தனியாா் செங்கல் சூளையிலும், அதையொட்டிய செங்கல் தயாரிப்பு தொழிற்சாலையிலும் கோட்டாட்சியா் வெங்கடேசன் திடீா் ஆய்வு மேற்கொண்டாா். அங்கு பணிபுரிந்த தொழிலாளா்களிடம் விசாரணை நடத்தினாா். அப்போது அவருடன் அரக்கோணம் வட்டாட்சியா் ஸ்ரீதேவி, தொழிலாளா் நல உதவி ஆய்வாளா் அரியமுத்து, வருவாய் ஆய்வாளா் ஜெயக்குமாா், கிராம நிா்வாக அலுவலா்கள் லட்சுமிநாராயணன், நெடுஞ்செழியன், சரண்யா ஆகியோா் உடனிருந்தனா்.