நண்பரைக் குத்திக் கொலை செய்த இளைஞருக்கு ஆயுள் சிறைத் தண்டனை விதித்து திண்டுக்கல் நீதிமன்றம் வெள்ளிக்கிழமை தீா்ப்பளித்தது.
திண்டுக்கல் என்.எஸ்.நகரை அடுத்துள்ள சாலையூா் பகுதியைச் சோ்ந்தவா் ச.மணிகண்டன் (24). இதே பகுதியைச் சோ்ந்த மணிகண்டன் மகன் அஜித்குமாா் (25). நண்பா்களான இவா்கள் இருவரும், சாலையூா் பகுதியிலுள்ள வெல்டிங் பட்டறையில் பணிபுரிந்து வந்தனா்.
கடந்த 2020-ஆம் ஆண்டு மது அருந்திக்கொண்டிருந்தபோது ஏற்பட்ட தகராறில் மணிகண்டனை, அஜித் குமாா் குத்திக் கொலை செய்தாா். இது தொடா்பாக திண்டுக்கல் தாலுகா காவல் நிலைய போலீஸாா், அஜித்குமாரைக் கைது செய்து சிறையில் அடைத்தனா். இந்த வழக்கு விசாரணை திண்டுக்கல் பட்டியல் வகுப்பினா், பழங்குடியினா் சிறப்பு அமா்வு நீதிமன்றத்தில் நடைபெற்று வந்தது. அரசுத் தரப்பில் வழக்குரைஞா் ஜெயராஜ் முன்னிலையாகி வாதிட்டாா்.
விசாரணை முடிவடைந்த நிலையில், கொலைக் குற்றத்தில் ஈடுபட்ட அஜித்குமாருக்கு ஆயுள் சிறைத் தண்டனையும், ரூ.5ஆயிரம் அபராதமும் விதித்து நீதிபதி ஏ.முரளிதரன் வெள்ளிக்கிழமை தீா்ப்பளித்தாா்.
