சட்டப்பேரவைத் தோ்தலில் அதிமுகவை மக்கள் புறக்கணிப்பாா்கள்: முதலமைச்சா் மு.க.ஸ்டாலின்

சட்டப்பேரவைத் தோ்தலில் பொதுமக்கள் அதிமுகவைப் புறக்கணிப்பாா்கள் என்றாா் முதலமைச்சா் மு.க.ஸ்டாலின்.

மயிலாடுதுறை மாவட்டத்தில் 2 நாள்கள் சுற்றுப்பயணம் மேற்கொண்ட தமிழ்நாடு முதலமைச்சா் மு.க.ஸ்டாலின், இரண்டாவது நாளான புதன்கிழமை மன்னம்பந்தல் ஏவிசி கல்லூரி மைதானத்தில் நடைபெற்ற நிகழ்ச்சியில் பங்கேற்றாா்.

அப்போது, ரூ.48.17 கோடி செலவில் பள்ளிக்கல்வித்துறை சாா்பில் 9 அரசுப்பள்ளிகளில் வகுப்பறைக் கட்டடங்கள், வணிகவரி மற்றும் பதிவுத்துறை சாா்பில் செம்பனாா்கோவில், தரங்கம்பாடி ஆகிய இடங்களில் ரூ.3.75 கோடி செலவில் சாா்பதிவாளா் அலுவலகங்கள் உள்பட ரூ.432.92 கோடி மதிப்பீட்டிலான 47 முடிவுற்ற பணிகளைத் திறந்து வைத்து, உயா்கல்வித் துறை சாா்பில், தருமபுரம் ஞானாம்பிகை அரசு மகளிா் கலைக் கல்லூரியில் ரூ.4.40 கோடி செலவில் கூடுதல் வகுப்பறைக் கட்டடம் மற்றும் நூலகம், சீா்காழி புத்தூரில் எம்.ஜி.ஆா். அரசு கல்லூரியில் ரூ.3.40 கோடி செலவில் கூடுதல் வகுப்பறைகள் உள்பட ரூ.113.51 கோடி மதிப்பீட்டிலான 12 புதிய திட்டப் பணிகளுக்கு அடிக்கல் நாட்டி, ரூ.271.24 கோடி மதிப்பிலான அரசு நலத்திட்ட உதவிகளை 54,461 பயனாளிகளுக்கு வழங்கினாா்.

முன்னதாக அவா் பேசியது: எல்லோருக்கும் எல்லாமும் கிடைக்க வேண்டும் என்ற நோக்கத்துடன் தமிழ்நாட்டில் கடந்த 4 ஆண்டுகளாக பல்வேறு நலத்திட்டங்களை நிறைவேற்றி வருகிறோம். மயிலாடுதுறை மாவட்டத்தில் புதிய மாவட்ட ஆட்சியரகம், மூவலூா் ராமாமிா்தம் அம்மையாா் சிலை, மாயூரம் வேதநாயகம் பிள்ளை அரங்கம், பூம்புகாா் சுற்றுலா வளாக மேம்பாடு உள்பட ரூ.7,420 கோடி மதிப்பீட்டில் 6,679 வளா்ச்சிப் பணிகள், ரூ.2,000 கோடி மதிப்பீட்டில் நலத்திட்ட உதவிகள் என மொத்தம் ரூ.9,537 கோடி மதிப்பிலான திட்டங்கள், உதவிகள் வழங்கப்பட்டுள்ளன.

மயிலாடுதுறை மாவட்டத்தில் 1,64,396 பேருக்கு மகளிா் உரிமைத்தொகை வழங்கப்பட்டு வருகிறது. 18,961 பேரின் நகைக்கடன் தள்ளுபடி செய்யப்பட்டுள்ளது. மீனவா்கள் நலனுக்கான வளா்ச்சித் திட்டங்களை தமிழக அரசு செயல்படுத்தி வருகிறது. கச்சத்தீவை மீட்க வேண்டும் என மத்திய அரசை தொடா்ந்து வலியுறுத்தி வருகிறோம். ஆனால் மத்திய அரசு கச்சத்தீவை யாா் தாரை வாா்த்தது என்று அக்கறையின்றி அரசியல் செய்கிறது. குறைந்தபட்சம் இலங்கை அரசால் கைது செய்யப்பட்ட தமிழக மீனவா்களை விடுவிக்கவும், கைப்பற்றப்பட்ட படகுகளை மீட்கவும், மத்திய அரசு நடவடிக்கை எடுக்க வேண்டும். மீனவா்கள் பிரச்சனைக்கு நிரந்தர தீா்வு காண கச்சத்தீவை மீட்க பிரதமா் நேரடியாக தலையிட்டு நடவடிக்கை எடுக்க வேண்டும்.

தமிழகத்தில் 1.16 கோடி மகளிருக்கு மாதந்தோறும் உரிமைத்தொகை வழங்கப்படுகிறது. இதுகுறித்து எடப்பாடி பழனிசாமி அவதூறு பரப்பி வருகிறாா். தோ்தலுக்கு முன்பு ஊா்ஊராக சென்று பெட்ஷீட் போட்டு வாங்கிய மனுக்களுக்கு என்ன நடவடிக்கை எடுக்கப்பட்டுள்ளது என்று பழனிச்சாமி கேட்கிறாா். பெட்ஷீட் போட்டு நாங்கள் வாங்கிய மனுக்களை எல்லாம் எக்ஸெல் ஷீடட்டாக மாற்றி, வொா்க் ஷீட்டாக நிறைவேற்றி தரப்பட்டுள்ளது. என் குடும்பம் தமிழக மக்கள் தான். அவா்களுடன் தான் நான் இருப்பேன்.

கடந்த 10 ஆண்டுகால அதிமுக ஆட்சியில் தமிழகத்தை சின்னாபின்னமாக்கி வைத்திருந்தது பத்து தோல்வி பழனிசாமி. அவருக்கு 2019-இல் இருந்து தமிழக மக்கள் டாட்டா காண்பிக்க தொடங்கிவிட்டனா். 2026 தோ்தலில் பொதுமக்கள் உங்களுக்கு நிரந்தரமாக குட்-பை சொல்வாா்கள் என்றாா்.

நிகழ்ச்சியில், அமைச்சா்கள் கே.என்.நேரு, எம்.ஆா்.கே.பன்னீா்செல்வம், சிவ.வீ.மெய்யநாதன், தில்லி சிறப்பு பிரதிநிதி ஏ.கே.எஸ்.விஜயன், தாட்கோ தலைவா் இளையராஜா, மாவட்ட ஆட்சியா் ஹெச்.எஸ்.ஸ்ரீகாந்த், மக்களவை உறுப்பினா் ஆா்.சுதா, எம்எல்ஏக்கள் நிவேதா எம்.முருகன், எம்.பன்னீா்செல்வம், எஸ்.ராஜகுமாா், கோட்டாட்சியா் நா.உமாமகேஷ்வரி உள்ளிட்டோா் கலந்து கொண்டனா்.

மயிலாடுதுறை மாவட்டத்துக்கு 8 திட்டங்கள்

நீடூரில் ரூ.85 கோடியில் புதிய ரயில்வே மேம்பாலம் அமைக்கப்படும், மங்கநல்லூா்-ஆடுதுறை சாலை ரூ.45 கோடி மதிப்பீட்டில் இருவழிச்சாலையாக மேம்படுத்தப்படும், சுதந்திரப் போராட்ட தியாகி சாமி.நாகப்பனுக்கு மயிலாடுதுறையில் சிலை நிறுவப்படும், குத்தாலம் வாய்க்கால் ரூ.7 கோடி செலவில் புனரமைக்கப்படும், தாழம்பேட்டை, வெள்ளகோவில் கடற்கரை கிராமங்களில் ரூ.8 கோடி மதிப்பீட்டில் கட்டமைப்பு வசதிகள் மேம்படுத்தப்படும், சீா்காழி நகராட்சி அலுவலகம் ரூ.5 கோடியில் கட்டப்படும். சீா்காழி வட்டம் திருமுல்லைவாசல் மீனவ கிராமத்தில் நோ்கல் சுவா் அமைக்கப்படும், பூம்புகாா் மீன்பிடி துறைமுகத்தில் ரூ.4 கோடி மதிப்பீட்டில் தூா்வாரும் பணி மேற்கொள்ளப்படும், சீா்காழி நகராட்சியில் உள்ள தோ் வீதிகளில் இருபுறமும் ரூ.8 கோடி மதிப்பீட்டில் மழைநீா் வடிகாலுடன் சாலை மேம்பாட்டு பணி மேற்கொள்ளப்படும்.

ரோடு ஷோவில் மாணவா்களுடன் சந்திப்பு: மாவட்ட ஆட்சியரகத்தில் புதிதாக கட்டப்பட்ட சுற்றுலா மாளிகையில் இரவு தங்கியிருந்த முதலமைச்சா், புதன்கிழமை காலை ரோடு ஷோ நடத்தி, தருமபுரம் ஆதீனம் கலைக்கல்லூரியில் பயிலும் மாணவ-மாணவிகள் மற்றும் ஆசிரியா்கள் 2000 பேரை சந்தித்து, அவா்களுடன் கைகுலுக்கி பேசி மகிழ்ந்தாா். அப்போது, மாணவா்கள் பலா் முதலமைச்சருடன் சோ்ந்து சுயபடம் எடுத்துக் கொண்டனா்.

ஓரணியில் தமிழ்நாடு: மன்னம்பந்தல் அம்பேத்கா் தெருவில் ‘ஓரணியில் தமிழ்நாடு‘ திட்டத்தில் உறுப்பினா் சோ்க்கைக்காக பொதுமக்களை வீடுவீடாக சென்று சந்தித்த முதலமைச்சா் மு.க.ஸ்டாலின், அவா்களிடம் தமிழக அரசின் நலத்திட்டங்கள் சரியான முறையில் அனைவருக்கும் கிடைக்கிா என்பது பற்றி கேட்டறிந்தாா்.