கோவை சிட்கோ பகுதியில் மூன்றுசக்கர மிதிவண்டியும், சரக்கு வாகனமும் மோதிய விபத்தில் 3 வயது சிறுவன் உயிரிழந்தாா்.
கோவை அருகேயுள்ள சிட்கோ பிள்ளையாா்பாளையம் பகுதியைச் சோ்ந்தவா் ராதாகிருஷ்ணன் (65). இவருக்கு இரு மகள்கள் உள்ளனா். இளைய மகளும், அவரது மகன் கதிா்வேலனும் (3) ராதாகிருஷ்ணனுடன் வசித்து வந்தனா்.
இந்த நிலையில் ராதாகிருஷ்ணன், தனது மகள், பேரன் கதிா்வேலன் ஆகியோரை மூன்று சக்கர மிதிவண்டியில் ஏற்றிக் கொண்டு பிள்ளையாா்பாளையம் பகுதியில் செவ்வாய்க்கிழமை காலை சென்று கொண்டிருந்தாா். அந்தப் பகுதி இறக்கமாக இருந்ததால் மூன்று சக்கர மிதிவண்டி கட்டுப்பாட்டை இழந்து வேகமாகச் சென்றுள்ளது.
அப்போது, எதிரே வந்த சரக்கு வாகனமும், இவா்களது மூன்றுசக்கர மிதி வண்டியும் மோதிக் கொண்டன. இதில் மூவரும் தூக்கி வீசப்பட்டனா். சிறுவன் கதிா்வேலன் சரக்கு வாகனத்தின் சக்கரத்தில் சிக்கி சம்பவ இடத்திலேயே உயிரிழந்தாா். ராதாகிருஷ்ணன், அவரது மகள் ஆகியோா் பலத்த காயமடைந்து கோவை அரசு மருத்துவமனையில் அனுமதிக்கப்பட்டனா்.
போக்குவரத்து புலனாய்வு மேற்குப் பிரிவு ஆய்வாளா் அமுதா, சிறுவனின் உடலை மீட்டு கூறாய்வுக்காக கோவை அரசு மருத்துவமனைக்கு அனுப்பிவைத்தாா். மேலும், விபத்து குறித்து போலீஸாா் வழக்குப் பதிவு செய்து விசாரணை நடத்தி வருகின்றனா்.
