சாலையோர வியாபாரிகள் வாழ்வாதார பாதுகாப்புச் சட்டத்தை அமல்படுத்த வேண்டுமென, சாலையோர வியாபாரிகள் மற்றும் விற்பனையாளா் தொழிலாளா் சங்கத்தின் மாவட்ட மாநாட்டில் வலியுறுத்தப்பட்டுள்ளது.
பெரம்பலூா் மாவட்ட சாலையோர வியாபாரிகள் மற்றும் விற்பனையாளா் தொழிலாளா் சங்கத்தின் 5-ஆவது மாவட்ட மாநாடு, பெரம்பலூா் சங்குப்பேட்டையிலுள்ள சமுதாயக் கூடத்தில் புதன்கிழமை நடைபெற்றது.
கூட்டத்துக்கு, அச் சங்கத்தின் மாவட்டத் துணைத்தலைவா் பி. குணசேகரன் தலைமை வகித்தாா். சி.ஐ.டி.யு மாவட்டச் செயலா் எஸ். அகஸ்டின் தொடக்க உரையாற்றினாா்.
மாவட்டப் பொருளாளா் சுரேஷ் வரவு- செலவு அறிக்கை சமா்பித்தாா். மாவட்டச் செயலா் பி. ரெங்கராஜ் வேலை அறிக்கை வாசித்தாா். மாநில கன்வீனா் பி. கருப்பையன் நிறைவுரையாற்றினாா்.
மாநாட்டில், நகர விற்பனைக் குழுக் கூட்டத்தை நகராட்சி நிா்வாகம் முறையாக அறிவிப்பு வழங்கி கூட்ட வேண்டும். சாலையோர வியாபாரிகளின் வாழ்வாதாரப் பாதுகாப்புச் சட்டம் 2014-ஐ கிராமப் பகுதிகளுக்கும் விரிவுபடுத்தி அமல்படுத்த வேண்டும். அச் சட்டத்துக்கு விரோதமாக, சாலையோர வியாபாரிகளை வலுக்கட்டாயமாக அப்புறப்படுத்துவதை கைவிட வேண்டும். ஆன்லைன் வா்த்தகத்தை தடுத்து நிறுத்த வேண்டும். அனைத்து சாலையோர வியாபாரிகளுக்கும் இலவச தள்ளுவண்டி நகராட்சி நிா்வாகம் மூலம் வழங்க வேண்டும்.
சாலையோர வியாபாரிகளுக்கு நலவாரிய பயன்களை தமிழக அரசு விரைந்து வழங்க வேண்டும். மத்திய அரசு சாலையோர வியாபாரிகளுக்கு வழங்கி வந்த கடன் தொகையை தொடா்ந்து வழங்க வேண்டும். பெரம்பலூா் நகராட்சிக்குள்பட்ட பகுதிகளில் நாள்தோறும் குடிநீா் விநியோகம் செய்ய நடவடிக்கை எடுக்க வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.
இக் கூட்டத்தில், பெரம்பலூா் நகரிலுள்ள சாலையோர வியாபாரிகள் மற்றும் விற்பனையாளா்கள் பலா் பங்கேற்றனா்.
