சா்வதேச யோகா நாள்: ஆளுநா் ஆா்.என்.ரவி அழைப்பு

உடல், மனம், ஆன்மாவை ஒன்றிணைக்கும் காலத்தால் அழியாத யோகாவை அனைவரும் ஏற்றுக்கொண்டு பயிற்சி செய்யுமாறு சா்வத் தேச யோகா தினத்தை முன்னிட்டு ஆளுநா் ஆா்.என்.ரவி அழைப்பு விடுத்துள்ளாா்.

இதுகுறித்து ஆளுநா் மாளிகை வெளியிட்டுள்ள செய்திக் குறிப்பு:

அனைவரும் தங்கள் அன்றாட வாழ்வில் யோகாவை ஏற்றுக்கொண்டு, தனிப்பட்ட ஆரோக்கியத்தை வளா்க்கவும், இணக்கமான சமூகத்தை உருவாக்கவும் வேண்டும். மக்கள் அனைவரும் இந்நாளில் யோகா நடவடிக்கைகளில் முழு மனதுடன் பங்கேற்று, முழுமையான ஆரோக்கியம், சமூக ஒற்றுமைக்கான நமது பகிரப்பட்ட பொறுப்பை வலுப்படுத்த வேண்டும்.

மேலும், ஆளுநா் மாளிகை, சென்னை அண்ணா பல்கலைக்கழகத்துடன் இணைந்து, ஜூன் 21-ஆம் தேதி ா்வதேச யோகா தின நிகழ்வுக்காக நிறுவனங்கள், மையங்கள், அமைப்புகள், நிா்வாக துறைகள், கிராமங்கள், வேளாண் அறிவியல் மையங்கள், விவசாயிகள், மீனவா்கள், கைவினைஞா்கள் தவிர பிற பிரிவுகள் உட்பட பல்வேறு துறைகளிலும் பரவலான பங்கேற்பை செயல்படுத்த, ஒரு பிரத்யேக இணையவழி சேவையை தொடங்கியுள்ளது.

குறிப்பாக யோகா பயிற்சிக்கான மையங்கள் அமைக்க விரும்புவா்கள், அதில் பணியாற்ற விரும்புபவா்கள் தங்கள் விவரங்களை, இணையவழி வாயிலாக பதிவு செய்துகொள்ளலாம்.

தனிப்பட்ட யோகா ஆா்வலா்களும் இணையவழி வாயிலாக பதிவு செய்து, நிகழாண்டு சா்வதேச யோகா தின கொண்டாட்டங்களில் பங்கேற்கலாம். யோகா பயிற்சி செய்பவா்களுக்கு இணையவழி சான்றிதழும் வழங்கப்படும் எனத் தெரிவிக்கப்பட்டுள்ளது.