சிதம்பரம் அருகே மகளை கழுத்தை அறுத்து கொலை செய்ததாக தந்தையை போலீஸாா் வெள்ளிக்கிழமை கைது செய்தனா்.
கடலூா் மாவட்டம், சிதம்பரம் அருகே உள்ள டி.மடப்புரம் கிராமத்தைச் சோ்ந்த அா்ஜுனன் மகள் அபிதா (27). இவா், எம்.ஏ., பி.எட். பட்டதாரி.
அபிதாவுக்கு திருமணம் செய்து வைக்க அா்ஜுனன் வரன் பாா்த்து வந்ததாகத் தெரிகிறது. ஆனால், பாா்க்கும் வரன்களை எல்லாம் அபிதா தட்டிக் கழித்து வந்தாராம். இதனால், சந்தேகமடைந்த அா்ஜுனன், இதுகுறித்து விசாரித்ததில் தனது மகள் வேறு ஒருவரை காதலிப்பது தெரியவந்தது.
இதனால், ஆத்திரமடைந்த அா்ஜுனன் வெள்ளிக்கிழமை மாலை கையில் வைத்திருந்த பேனா கத்தியால் அபிதாவின் கழுத்தை அறுத்து, கட்டையால் அவரது தலையில் தாக்கினாராம். இதில், பலத்த காயமடைந்த அபிதா நிகழ்விடத்திலேயே உயிரிழந்தாா்.
அருகிலிருந்தவா்கள் இதுகுறித்து புத்தூா் காவல் நிலையத்துக்கு தகவல் தெரிவித்தனா். சம்பவ இடத்துக்கு விரைந்து வந்த காவல் ஆய்வாளா் சிவப்பிரகாசம் சடலத்தைக் கைப்பற்றி உடல்கூறாய்வுக்கு விழுப்புரம் அரசு மருத்துவக் கல்லூரி மருத்துவமனைக்கு அனுப்பி வைத்தாா். மேலும், தலைமறைவான அா்ஜுனனை தனிப்படை போலீஸாா் கைது செய்து விசாரணை நடத்தி வருகின்றனா்.
