குரிசிலாப்பட்டு பகுதியில் 14 வயது சிறுமியை ஆசை வாா்த்தைகள் கூறி திருமணம் செய்த இளைஞா் போக்ஸோவில் கைது செய்யப்பட்டாா்.
திருப்பத்தூா் மாவட்டம், குரிசிலாப்பட்டு பகுதியைச் சோ்ந்தவா் அன்பரசன் (27). இவா், வாணியம்பாடி நேதாஜி நகா் பகுதியில் உள்ள உறவினா் வீட்டுக்கு அடிக்கடி வந்துசென்றபோது, அந்தப் பகுதியைச் சோ்ந்த 14 வயது சிறுமியிடம் பழக்கம் ஏற்பட்டுள்ளது.
இந்த நிலையில், சில நாள்களுக்கு முன்பு சிறுமியிடம் ஆசை வாா்த்தைகள் கூறி, அழைத்துச் சென்று திருமணம் செய்து கொண்டதாகத் தெரிகிறது.
இது குறித்து சிறுமியின் பெற்றோா் புதன்கிழமை நகரக் காவல் நிலையத்தில் புகாா் செய்தனா். அதன் பேரில், காவல் ஆய்வாளா் ஆனந்தன் தலைமையிலான போலீஸாா் விசாரணை மேற்கொண்டு அன்பரசனைத் தேடி வந்த நிலையில், வியாழக்கிழமை அவரைப் பிடித்து வாணியம்பாடி நகரக் காவல் நிலையம் அழைத்து வந்து விசாரித்ததில் 14 வயது சிறுமியை திருமணம் செய்திருப்பது தெரிய வந்தது.
இது குறித்து வழக்குப் பதிவு செய்து அன்பரசனை போக்ஸோ சட்டத்தின் கீழ் கைது செய்து, விசாரணை நடத்தி வருகின்றனா்.
