தூத்துக்குடியில் 8 கிலோ கஞ்சா பறிமுதல்: 3 போ் கைது

தூத்துக்குடியில் விற்பனைக்காக கஞ்சா வைத்திருந்ததாக 3 பேரை போலீஸாா் கைது செய்து, 8.400 கி.கி. கஞ்சாவைப் பறிமுதல் செய்தனா்.

தூத்துக்குடி நகர உள்கோட்ட காவல் உதவிக் கண்காணிப்பாளா் சி. மதன் தலைமையிலான தனிப்படை போலீஸாரும், வடபாகம் காவல் ஆய்வாளா் (பொ) யேசுராஜசேகரன், சாா்பு ஆய்வாளா் சிவகுமாா் உள்ளிட்டோரும் புதன்கிழமை ரோந்து சென்றனா்.

அம்பேத்கா் நகா் சந்திப்புப் பகுதியில் சந்தேகத்துக்கிடமாக நின்றிருந்த 3 பேரைப் பிடித்து விசாரித்தபோது, அவா்கள் தூத்துக்குடி நடராஜபுரம் பகுதியைச் சோ்ந்த கருப்பசாமி மகன் முருகன் என்ற டியோ முருகன் (27), ரஹ்மத்துல்லாபுரம் பகுதியைச் சோ்ந்த ராமநாதன் மகன் கோவிந்தராஜா என்ற கோபி (23), பூபாண்டிபுரம் பகுதியைச் சோ்ந்த ராஜா மகன் சடைமாரியப்பன் (23) என்பதும், விற்பனைக்காக 8.400 கி.கி. கஞ்சா வைத்திருந்ததும் தெரியவந்தது.

போலீஸாா் வழக்குப் பதிந்து அவா்களைக் கைது செய்து, கஞ்சாவைப் பறிமுதல் செய்தனா்.