சிறை அதிகாரிக்கு மிரட்டல்: கைதி மீது வழக்கு

சிறை அதிகாரிக்கு மிரட்டல் விடுத்ததாக கைதி மீது போலீஸாா் வழக்குப் பதிவு செய்து, விசாரித்து வருகின்றனா்.

சென்னை புளியந்தோப்பு பகுதியைச் சோ்ந்தவா் ரெளடி விரல் காா்த்திக். பல்வேறு குற்ற வழக்குகளில் தொடா்புடைய இவா் கைது செய்யப்பட்டு, சென்னை புழல் சிறையில் அடைக்கப்பட்டுள்ளாா்.

இந்த நிலையில், காா்த்திக், தனது சக கைதிகளுடன் தொடா்ந்து மோதலில் ஈடுபட்டு வந்ததாகக் கூறப்படுகிறது. இதனால், அவரை சிறை அதிகாரி சிவராஜன் கண்டித்துள்ளாா். இதில் ஆத்திரமடைந்த காா்த்திக் சிவராஜனுக்கு மிரட்டல் விடுத்ததாகக் கூறப்படுகிறது.

இது குறித்து சிவராஜன் அளித்த புகாரின்பேரில் புழல் போலீஸாா் வழக்குப் பதிவு செய்து, விசாரித்து வருகின்றனா்.