கலவரத்தை தூண்டும் வகையில் பேசியதாக சீமான் மீது மூன்று பிரிவுகளின்கீழ் கருங்கல்பாளையம் போலீஸாா் வெள்ளிக்கிழமை வழக்குப் பதிவு செய்தனா்.
ஈரோடு கிழக்கு தொகுதி நாம் தமிழா் கட்சி வேட்பாளா் சீதாலட்சுமியை ஆதரித்து ஈரோடு அருகே நெரிக்கல்மேட்டில் கடந்த -28 ஆம் தேதி இரவு பிரசார பொதுக்கூட்டம் நடைபெற்றது.
அந்தக் கூட்டத்தில் பேசிய நாம் தமிழா் கட்சி தலைமை ஒருங்கிணைப்பாளா் சீமான், பெரியாா் ஈவெரா குறித்து சா்ச்சைக்குரிய வகையிலும், தான் வெடிகுண்டு வைத்திருப்பதாகவும் பேசியிருந்தாா். இதற்கு பெரியாா், அம்பேத்கா் கூட்டமைப்பினா், தெற்கு மாவட்ட காங்கிரஸ் கட்சியினா் கண்டனம் தெரிவித்து ஈரோடு கிழக்கு தொகுதி தோ்தல் நடத்தும் அலுவலரிடம் புகாா் மனு அளித்தனா்.
இந்நிலையில், சீமான் மீது கலவரத்தை தூண்டும் வகையில் பேசியது, பொதுமக்களை அச்சுறுத்தும் வகையில் பேசியது உள்ளிட்ட மூன்று பிரிவுகளின் கீழ் கருங்கல்பாளையம் போலீஸாா் வழக்குப் பதிவு செய்துள்ளனா்.
கடந்த 2023- ஆம் ஆண்டு இடைத்தோ்தலின்போதும் சீமான் அருந்ததியா் சமூக மக்கள் குறித்து அவதூறாக பேசியதாக கருங்கல்பாளையம் காவல் நிலையத்தில் எஸ்சி, எஸ்டி பிரிவின் கீழ் வழக்குப் பதிவு செய்யப்பட்டது குறிப்பிடத்தக்கது.
