ஒசூா் அருகே சுடுதண்ணீரில் தவறி விழுந்த இரண்டரை வயது குழந்தை உயிரிழந்தது.
திருவண்ணாமலை மாவட்டம், ஈச்சங்குப்பம் பகுதியை சோ்ந்தவா் சிலம்பரசன். இவா் ஒசூா் டி.வி.எஸ். நகா் பகுதியில் குடியிருந்து ஓட்டுநராக வேலை செய்து வருகிறாா். இவரது இரண்டரை வயது மகன் பைரவன். கடந்த 31 ஆம் தேதி வீட்டில் குளியல் அறையில் கொதிக்கும் தண்ணீரில் தவறி விழுந்தாா்.
உடல் முழுவதும் காயம் அடைந்த பைரவனை மீட்டு சேலம் அரசு மருத்துவமனையில் சோ்த்தனா். அங்கு, அவா் உயிரிழந்தாா். இதுகுறித்து மத்திகிரி போலீஸாா் விசாரணை நடத்தி வருகின்றனா்.
