சிவகங்கை மாவட்டம், இளையான்குடி ஒன்றியம் சூராணத்தில் குடிநீா் கோரி காலிக் குடங்களுடன் பெண்கள் திங்கள்கிழமை சாலை மறியல் போராட்டத்தில் ஈடுபட்டனா்.
சூராணம் பகுதிக்கு காவிரி கூட்டுக் குடிநீா் திட்டத்தின் மூலம் குடிநீா் விநியோகம் செய்யப்படுகிறது. கடந்த சில நாள்களாக இந்தப் பகுதிக்கு இந்தத் திட்டத்தின் மூலம் குடிநீா் விநியோகிக்கவில்லை என பொதுமக்கள் புகாா் தெரிவித்தனா். இதைத்தொடா்ந்து, பெண்கள் உட்பட ஏராளமானோா் காலிக் குடங்களுடன் குடிநீா் கோரி சூராணத்தில் சாலை மறியல் போராட்டத்தில் ஈடுபட்டனா். இதனால் இந்தப் பகுதியில் போக்குவரத்து பாதிக்கப்பட்டது.
இதுகுறித்து தகவலறிந்து அங்கு சென்ற குடிநீா் வடிகால் வாரிய அதிகாரிகள், சாலைக் கிராமம் காவல் நிலைய ஆய்வாளா் கலைவாணி, கிராம நிா்வாக அலுவலா் செழியன் ஆகியோா் போராட்டத்தில் ஈடுபட்டவா்களிடம் பேச்சுவாா்த்தை நடத்தினா். அப்போது சூராணத்தில் தனி மேல்நிலைத் தொட்டி அமைத்து, அதில் காவிரி கூட்டுக் குடிநீா்த் திட்டம் மூலம் குடிநீா் விநியோகிக்கப்படும் என உறுதியளித்தனா். இதைத்தொடா்ந்து அவா்கள் போராட்டத்தைக் கைவிட்டு கலைந்து சென்றனா்.
