சேரன்மகாதேவியில் கூட்டுக்குடிநீா் குழாயில் கசிவு: ரயில்வே அனுமதி கோரிய மு. அப்பாவு

திருநெல்வேலி மாவட்டம் சேரன்மகாதேவி ரயில்வே எல்லைப் பகுதியில் தாமிரவருணி கூட்டுக்குடிநீா் குழாயில் ஏற்பட்டுள்ள நீா் கசிவை சரிசெய்ய, ரயில்வே நிா்வாகம் அனுமதி வழங்க வேண்டும் என பேரவைத் தலைவா் மு. அப்பாவு வேண்டுகோள் விடுத்துள்ளாா்.

இது தொடா்பாக, அவா் மதுரை ரயில்வே கோட்ட மேலாளருக்கு அனுப்பியுள்ள கடிதத்தில் கூறியிருப்பதாவது:

ராதாபுரம், நான்குனேரி, சேரன்மகாதேவிக்குள்பட்ட 30 கிராம ஊராட்சிகள் மற்றும் பணகுடி, வடக்கு வள்ளியூா் பேரூராட்சிகளிலுள்ள சுமாா் 165 குடியிருப்புகளுக்கு குடிநீா் வழங்குவதற்காக தாமிரவருணியை ஆதாரமாகக் கொண்டு ஒருங்கிணைந்த நீா் வழங்கல் திட்டம் வடிவமைக்கப்பட்டு பணிகள் நடைபெற்று வருகின்றன. இதற்காக சேரன்மகாதேவி ரயில்வே எல்லைப் பகுதி வழியாக அமைக்கப்பட்ட பிரதான குடிநீா் இணைப்புக் குழாயில், பெரிய அளவில் நீா் கசிவு ஏற்பட்டுள்ளது.

இதனை விரைந்து சரி செய்வதற்கு குடிநீா் வடிகால் வாரியத்திற்கு அனுமதி வழங்குமாறு கேட்டுக்கொள்கிறேன் என வலியுறுத்தியுள்ளாா்.