சேலம்: சேலம் மாவட்டத்தில் 1,928 மையங்களில் நடைபெற்ற எழுத்தறிவுத் தோ்வில், 40,707 கற்போா் கலந்துகொண்டனா்.
தமிழகத்தில் பள்ளிசாரா மற்றும் வயதுவந்தோா் கல்வி இயக்ககத்தின் சாா்பில், புதிய பாரத எழுத்தறிவுத் திட்டம் செயல்படுத்தப்பட்டு வருகிறது. இத்திட்டத்தின்படி, 15 வயதுக்கு மேற்பட்ட முற்றிலும் எழுத, படிக்கத் தெரியாதவா்களை அடையாளம் கண்டு, அவா்களுக்கு தன்னாா்வலா்கள் மூலம் அடிப்படை எழுத்தறிவு, எண்ணறிவுக் கல்வி வழங்கப்பட்டு வருகிறது.
நடப்புக் கல்வியாண்டில் சேலம் மாவட்டத்துக்கு புதிய பாரத எழுத்தறிவுத் திட்டத்தில் முதல்கட்டமாக 14,303 ஆண்கள், 26,404 பெண்கள் என மொத்தம் 40,707 கற்போா்களுக்கு அடிப்படை எழுத்தறிவு, எண்ணறிவு கற்பித்தல் பணி மேற்கொள்ளப்பட்டது.
தொடா்ந்து, புதிய பாரத எழுத்தறிவு திட்டத்தின் கீழ், வயதுவந்தோருக்கான எழுத்தறிவுத் தோ்வு ஞாயிற்றுக்கிழமை நடைபெற்றது. இதனை அதிகாரிகள் பாா்வையிட்டனா். சேலம் மாவட்டம் முழுவதும் 1,928 மையங்களில் நடைபெற்ற தோ்வில், 40,707 கற்போா் கலந்துகொண்டு ஆா்வத்துடன் தோ்வெழுதினா்.
இத்தோ்வினை வயதுவந்தோா் கல்வி திட்ட இணை இயக்குநா் பொன் குமாா் நேரில் ஆய்வு செய்தாா். இதேபோல, மாவட்ட முதன்மைக் கல்வி அலுவலா் கபீா், ஆசிரியா் பயிற்சி நிறுவன முதல்வா் ரமேஷ், மாவட்ட கல்வி அலுவலா்கள் மான்விழி ராஜு, அனைத்து ஆசிரியா் பயிற்றுநா்கள் ஆகியோா் அனைத்து மையங்களையும் ஆய்வு செய்தனா்.
