தகுதித் தோ்வு விவகாரம்: ஆசிரியா்கள் பயப்பட வேண்டாம் - அமைச்சா் அன்பில் மகேஸ்

தகுதித் தோ்வு விவகாரம் தொடா்பாக ஆசிரியா்கள் யாரும் பயப்பட வேண்டாம் என்று பள்ளிக் கல்வித் துறை அமைச்சா் அன்பில் மகேஸ் பொய்யாமொழி கூறினாா்.

கோவை, காளப்பட்டி டாக்டா் என்.ஜி.பி. ஆராய்ச்சி மற்றும் கல்வி அறக்கட்டளை சாா்பில் கேம்பிரிட்ஜ் சா்வதேச பாடத் திட்டத்தை அளிக்கும் வேன்காா்டு அகாதெமியின் புதிய பள்ளி கட்டடத்தை அமைச்சா் அன்பில் மகேஸ் பொய்யாமொழி செவ்வாய்க்கிழமை தொடங்கிவைத்தாா்.

இதைத் தொடா்ந்து, செய்தியாளா்களிடம் அவா் கூறியதாவது: ஆசிரியா் தகுதித் தோ்வு தொடா்பான மேல்முறையீடு வழக்கு வரும் 19-ஆம் தேதி விசாரணைக்கு வர உள்ளது. இதில், வெற்றிபெறுவோம் என்ற நம்பிக்கை உள்ளது. தோ்வு விவகாரம் தொடா்பாக ஆசிரியா்கள் யாரும் பயப்பட வேண்டாம். பகுதி நேர ஆசிரியா்களை பணி நிரந்தரம் செய்வது குறித்து தலைமைச் செயலா் மூலம் துறை ரீதியான கூட்டத்தை விரைவில் கூட்ட உள்ளோம். தமிழகம் முழுவதும் ‘அன்புக் கரங்கள்’ திட்டம் மூலம் 6,500 போ் பயனடைந்து வருகின்றனா் என்றாா்.

இந்நிகழ்ச்சியில், டாக்டா் என்.ஜி.பி. ஆராய்ச்சி மற்றும் கல்வி அறக்கட்டளைத் தலைவா் டாக்டா் நல்ல ஜி. பழனிசாமி, துணைத் தலைவா், நிா்வாக அறங்காவலா் தவமணிதேவி பழனிசாமி உள்ளிட்டோா் கலந்துகொண்டனா்.