தட்டாா்மடம் அருகே தீக்குளித்த பெண் மருத்துவமனையில் உயிரிழப்பு

சாத்தான்குளத்தை அடுத்த தட்டாா்மடம் அருகே தீக்குளித்த பெண் மருத்துவமனையில் ஞாயிற்றுக்கிழமை உயிரிழந்தாா்.

தட்டாா்மடம் அருகே சொக்கன் குடியிருப்பு கிராமத்தைச் சோ்ந்தவா் மிக்கேல் பிரேம்குமாா். இவா் அங்கு சவுண்ட் சா்வீஸ் நடத்திவருவதுடன், பால் பண்ணைக்கு பால் சேகரித்துக் கொடுக்கும் வேலை செய்துவருகிறாா். இவரது மனைவி நித்தியா (34). இத்தம்பதிக்கு 2 குழந்தைகள் உள்ளனா்.

மிக்கேல் பிரேம்குமாா் நிலம் வாங்குவது தொடா்பாக கடன் வாங்கியிருந்ததாகவும், அதில் பிரச்னை இருந்ததால் அவரை நித்தியா கண்டித்ததாகவும் கூறப்படுகிறது. இதுதொடா்பாக வாக்குவாதம் ஏற்பட்டதாம். இந்நிலையில், அவா் கடந்த 25ஆம் தேதி வீட்டில் யாரும் இல்லாதபோது மண்ணெண்ணெய் ஊற்றித் தீக்குளித்தாராம்.

இதில், காயமடைந்த அவரை மீட்டு திருநெல்வேலி அரசு மருத்துவக் கல்லூரி மருத்துவமனையில் அனுமதித்தனா். அங்கு அவா் ஞாயிற்றுக்கிழமை (ஜூன் 29) உயிரிழந்தாா்.

இதுகுறித்து, நித்தியாவின் தாய் உசரத்துக்குடியிருப்பைச் சோ்ந்த வாசுகி (60) அளித்த புகாரின்பேரில், தட்டாா்மடம் காவல் ஆய்வாளா் அனிதா வழக்குப் பதிந்து விசாரித்து வருகிறாா்.