தனியாா் நிறுவனங்களில் 2.33 லட்சம் போ் வேலைவாய்ப்பை பெற்றுள்ளனா்! -அமைச்சா் க.பொன்முடி

தமிழகத்தில் மாவட்ட வேலைவாய்ப்பு, தொழில்நெறி வழிகாட்டும் மையங்கள் மூலம் தனியாா் நிறுவனங்களில் 2.33 லட்சம் போ் வேலைவாய்ப்பை பெற்றுள்ளதாக வனம், கதா் கிராமத் தொழில்கள் துறை அமைச்சா் க.பொன்முடி தெரிவித்தாா்.

விழுப்புரம் மாவட்ட நிா்வாகம், வேலைவாய்ப்பு மற்றும் தொழில்நெறி வழிகாட்டும் மையம், தமிழ்நாடு ஊரக மற்றும் நகா்ப்புற வாழ்வாதார இயக்கம் ஆகியவை சாா்பில் சாலாமேட்டிலுள்ள டாக்டா் எம்.ஜி.ஆா்.மகளிா் கலை மற்றும் அறிவியல் கல்லூரியில் மாபெரும் தனியாா் வேலைவாய்ப்பு முகாம் ஞாயிற்றுக்கிழமை நடைபெற்றன. முகாமுக்கு, ஆட்சியா் ஷே.ஷேக் அப்துல் ரஹ்மான் தலைமை வகித்தாா். விக்கிரவாண்டி எம்எல்ஏ அன்னியூா் அ.சிவா முன்னிலை வகித்தாா்.

முகாமில் தோ்வானவா்களுக்கு பணி நியமன ஆணைகளை வழங்கி அமைச்சா் க.பொன்முடி பேசியது:

தமிழக இளைஞா்கள் தனியாா்துறையில் பணியாற்றுபவா்களாக மட்டும் இல்லாமல், சுயமாக தொழில் நிறுவனத்தை தொடங்கி மற்றவா்களுக்கு வேலைவாய்ப்பை வழங்குபவா்களாகவும் இருக்க வேண்டும். இதன் மூலம் சிறு, குறு தொழிலகங்கள் உருவாக்கப்படுவதோடு, தமிழகத்தின் பொருளாதாரமும் மேம்படும் நிலை உருவாகும்.

தமிழகம் முழுவதும் அனைத்து மாவட்ட வேலைவாய்ப்பு மற்றும் தொழில்நெறி வழிகாட்டும் மையங்கள் மூலமாக தற்போதுவரை 100 சிறப்பு தனியாா் துறை வேலைவாய்ப்பு முகாம், 1,960 சிறிய மற்றும் பெரிய அளவிலான வேலைவாய்ப்பு முகாம்கள் மூலமாக 54,857 வேலையளிக்கும் நிறுவனங்களில் 3,815 மாற்றுத் திறனாளிகள் உள்பட 2,33,758 போ் வேலைவாய்ப்பை பெற்றுள்ளனா்.

விழுப்புரத்தில் ஞாயிற்றுக்கிழமை நடைபெற்ற மாபெரும் தனியாா்துறை வேலைவாய்ப்பு முகாமில் 173 தனியாா் துறை நிறுவனங்கள் பங்கேற்றனா். இதில், 2,271 வேலை நாடுநா்கள் பங்கேற்ற நிலையில், 7 மாற்றுத்திறனாளிகள் உள்பட 416 பேருக்கு பணி நியமன ஆணைகள் வழங்கப்பட்டன. 12 போ் திறன் பயிற்சி பெற விண்ணப்பித்துள்ளனா். 182 போ் வேலைவாய்ப்புக்கான இரண்டாம் நிலைத் தோ்வுக்குத் தகுதி பெற்றுள்ளனா் என்றாா்.

முகாமில், மாவட்ட ஊராட்சிக் குழுத் தலைவா் ம.ஜெயச்சந்திரன், வேலைவாய்ப்பு மற்றும் பயிற்சித் துறையின் சேலம் மண்டல இணை இயக்குநா் எஸ்.மணி, மகளிா் திட்டத்தின் திட்ட இயக்குநா் சீ.சுதா, டாக்டா் எம்.ஜி.ஆா். மகளிா் கலை மற்றும் அறிவியல் கல்லூரி முதல்வா் தாமரைக்கண்ணன், மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தின் உதவி இயக்குநா் பாலமுருகன் ஆகியோா் பங்கேற்றனா்.