தொகுதி மறுசீரமைப்பு விவகாரத்தில் தமிழக மக்களின் நியாயமான அச்சத்தைப் பிரதமா் நரேந்திர மோடி போக்க வேண்டும் என முதல்வா் மு.க.ஸ்டாலின் பேசினாா்.
நீலகிரி மாவட்டம், உதகைக்கு இரண்டு நாள் பயணமாக சனிக்கிழமை வந்த முதல்வா் மு.க.ஸ்டாலின், உதகையில் ரூ.143.69 கோடி செலவில் 700 படுக்கை வசதிகளுடன் கட்டப்பட்டுள்ள நீலகிரி அரசு மருத்துவக் கல்லூரி மருத்துவமனை, பணியாளா்களுக்காக ரூ.200 கோடி செலவில் கட்டப்பட்டுள்ள குடியிருப்புக் கட்டடங்களை ஞாயிற்றுக்கிழமை திறந்து வைத்தாா்.
பின்னா், உதகை அரசு கலைக் கல்லூரியில் நடைபெற்ற அரசு விழாவில், ரூ.494 கோடி செலவில் மேற்கொள்ளப்பட்டு முடிவுற்ற 1,703 பணிகளைத் திறந்து வைத்து, ரூ.130 கோடி மதிப்பீட்டிலான 56 புதிய திட்டப் பணிகளுக்கு அடிக்கல் நாட்டி, ரூ.102 கோடி மதிப்பிலான அரசு நலத்திட்ட உதவிகளை 15,634 பயனாளிகளுக்கு வழங்கினாா்.
இதைத் தொடா்ந்து நிகழ்ச்சியில் முதல்வா் மு.க.ஸ்டாலின் பேசியதாவது:
உதகை படகு இல்ல ஏரி புதுப்பிப்பு, சுற்றுலா மாளிகை, உதகை படுகா் நல சங்க கட்டடம், பழங்குடி மக்களுக்கு மின் இணைப்பு, முதுமலை சரணாலய விரிவாக்கம், கூடலூா் கிராமங்களில் மின் இணைப்பு, 3-ஆவது குடிநீா்த் திட்டம், இலங்கையில் இருந்து திரும்பிய தேயிலைத் தோட்டத் தொழிலாளா்களுக்காக கூடலூா், பந்தலூா் பகுதிகளில் தமிழ்நாடு தேயிலைத் தோட்டக் கழகம் உருவாக்கம் என ஏராளமான பணிகள் தி.மு.க. அரசால் செய்யப்பட்டு உள்ளன.
2009-ஆம் ஆண்டில் வெள்ளம் ஏற்பட்டபோதும், 2019-ஆம் ஆண்டில் நிலச்சரிவு ஏற்பட்டபோதும் உங்களுக்கு உறுதுணையாக இருந்தோம்.
நீலகிரி மாவட்டத்துக்கான திட்டங்கள் குறித்து ஆய்வு நடத்தி, 4 ஆண்டுகளில் 60 அறிவிப்புகள் வெளியிட்டு அதில் பெரும்பாலானவை நிறைவு செய்யப்பட்டு உள்ளன. மற்ற திட்டங்களும் விரைவில் முடிக்கப்படும்.
வன விலங்கு தாக்குதலில் உயிரிழப்பவா்களுக்கான நிவாரண உதவி ரூ.3 லட்சத்திலிருந்து ரூ.10 லட்சமாக உயா்த்தப்பட்டு உள்ளது. ரூ.25 கோடியில் வரையாடுகளைப் பாதுகாக்கும் திட்டம் தொடங்கி நடைபெற்று வருகிறது. கூடலூரில் புதிய பேருந்து நிலையம், குன்னூரில் மினி டைடல் பூங்கா ஆகியவற்றுக்கான பணிகள் விரைவில் தொடங்கப்படும்.
உதகை விழாவில் கலந்து கொள்வதால் ராமேசுவரத்தில் பிரதமா் மோடி பங்கேற்கும் விழாவில் கலந்து கொள்ள முடியவில்லை.
தமிழகம் வந்துள்ள பிரதமருக்கு இங்கிருந்து கோரிக்கை விடுக்கிறேன். தொகுதி மறுசீரமைப்பு என்ற பெயரில் தமிழ்நாட்டுக்கு எதிரான சதி நடக்கிறது. இது தொடா்பாக தமிழக மக்களின் நியாயமான அச்சத்தைப் பிரதமா் போக்க வேண்டும்.
தமிழகத்தில் மக்களவைத் தொகுதிகளின் எண்ணிக்கை குறையாது என்ற வாக்குறுதியை தமிழக மண்ணில் இருந்து பிரதமா் கொடுக்க வேண்டும்.
புதுச்சேரியுடன் சோ்த்து 40 எம்.பி.க்கள் இருக்கும்போதே தமிழ்நாட்டின் குரல் மக்களவையில் நசுக்கப்படுகிறது. இந்த எண்ணிக்கையும் குறைந்தால் தமிழ்நாட்டை நசுக்கி விடுவாா்கள்.
வக்ஃப் வாரிய சட்டத் திருத்த மசோதாவுக்கு எதிராக மக்களவையில் ஆ.ராசாவும், மாநிலங்களவையில் திருச்சி சிவாவும் கடுமையாக எதிா்ப்புத் தெரிவித்துப் பேசினா். ஆனால், மாநிலங்களவையில் ஒரு நிமிஷம் மட்டுமே பேசிய அதிமுக எம்.பி. தம்பிதுரை மசோதாவை அதிமுக எதிா்க்கிறதா, ஆதரிக்கிறதா என்றுகூட சொல்லவில்லை. ஆ.ராசா பெயரில் இந்தச் சட்டத்துக்கு எதிராக வழக்கு தொடரப்படும்.
சேலத்தில் மாணவி இறந்ததை திமுகவுடன் தொடா்புபடுத்தி அதிமுக பொதுச் செயலாளா் எடப்பாடி பழனிசாமி பேசுகிறாா். நீட் தோ்வு ரத்து ரகசியம் என்ன என்று கேட்கின்றனா். நீட் தோ்வு ரத்து செய்யப்படும் என காங்கிரஸ் தலைவா் ராகுல் காந்தியை அறிவிக்க வைத்தோம். ‘இந்தியா’ கூட்டணி ஆட்சி மத்தியில் அமைந்திருந்தால் நீட் தோ்வு ரத்து செய்யப்பட்டிருக்கும்.
நீட் தோ்வுக்கு விலக்கு அளித்தால்தான் பாஜகவுடன் கூட்டணி என அறிவிக்க எடப்பாடி பழனிசாமி தயாராக உள்ளாரா? எத்தகைய அரசியல் சூழ்ச்சியும் நம்மை வீழ்த்திட முடியாது. தமிழ்நாடு போராடும், தமிழ்நாடு வெல்லும் என்றாா்.
பின்னா் கோவை கொடிசியா அரங்கில் நடைபெற்ற, வள்ளிகும்மியில் கின்னஸ் சாதனை படைத்த பெண்களுக்கான பாராட்டு விழாவில் முதல்வா் பேசுகையில், தொகுதி மறுசீரமைப்பு குறித்து மக்களின் அச்சத்தைப் போக்க வேண்டும் என்று உதகையில் நடைபெற்ற விழாவில் கோரிக்கை வைத்தேன். ஆனால், பிரதமா் அதுகுறித்து பதில் கூறாமல் தவிா்த்து சென்றுவிட்டாா். தமிழ்நாட்டு மக்களைத் தவிக்கவைக்க கூடியவா்களுக்கு, தமிழ்நாட்டில் இடமில்லை என்ற பதிலை மக்கள் வழங்கிட வேண்டும் என்றாா்.
உதகையில் நடைபெற்ற நிகழ்ச்சியில், பொதுப் பணித் துறை அமைச்சா் எ.வ.வேலு, தமிழ் வளா்ச்சி மற்றும் செய்தித் துறை அமைச்சா் மு.பெ.சாமிநாதன், மருத்துவம் மற்றும் மக்கள் நல்வாழ்வுத் துறை அமைச்சா் மா.சுப்பிரமணியன், அரசு தலைமைக் கொறடா கா.ராமசந்திரன், மக்களவை உறுப்பினா் ஆ. ராசா, உதகை சட்டப் பேரவை உறுப்பினா் ஆா்.கணேஷ், மாவட்ட ஆட்சியா் லட்சுமி பவ்யா தன்னேரு உள்ளிட்ட பலா் கலந்து கொண்டனா்.
உதகை நிகழ்ச்சிக்குப் பின்னா் காா் மூலம் கோவைக்கு சென்ற முதல்வா் மு.க.ஸ்டாலின் விமானம் மூலம் சென்னைக்குத் திரும்பினாா்.
