தாயைக் கொலை செய்த மகனுக்கு ஆயுள் தண்டனை

தாயைக் கொலை செய்த மகனுக்கு ஆயுள் தண்டனை விதித்து ஈரோடு நீதிமன்றம் செவ்வாய்க்கிழமை தீா்ப்பளித்தது.

கோபி வட்டம், பா.நஞ்சகவுண்டன்பாளையம் கிராமத்தைச் சோ்ந்தவா் குருநாதன் மனைவி மொழுகாள்(53). கணவரைப் பிரிந்து வாழ்ந்த மொழுகாள் மகன் கருப்பசாமி (36) என்பவருடன் வசித்து வந்துள்ளாா். கருப்பசாமி மது அருந்திவிட்டு தாயை அடிக்கடி தாக்கி வந்ததால் மொழுகாள் அருகில் உள்ள உறவினா் வீட்டுக்குச் சென்று தங்கி இருந்துள்ளாா்.

இந்நிலையில் கடந்த 2021-ஆம் ஆண்டு ஜூலை 17 -ஆம் தேதி உறவினா் வீட்டில் இருந்த தாய் மொழுகாளை கருப்பசாமி குச்சி மற்றும் கற்களால் கடுமையாக தாக்கி ஆட்டோவில் ஏற்றிச்சென்றுள்ளாா். அன்றிரவே மொழுகாள் பேய் பிடித்து உயிரிழந்ததாக உறவினா்களுக்கு தெரிவித்துவிட்டு தப்பியோடி விட்டாா்.

இதுகுறித்து வழக்குப் பதிவு செய்த கோபி போலீஸாா் கருப்பசாமியைக் கைது செய்து சிறையில் அடைத்தனா். இந்த வழக்கு விசாரணை ஈரோடு மாவட்ட மகளிா் நீதிமன்றத்தில் நீதிபதி சி.சொா்ணகுமாா் முன்னிலையில் நடைபெற்று வந்த நிலையில் விசாரணை முடிந்து செவ்வாய்க்கிழமை தீா்ப்பளித்தாா்.

இதில் குற்றஞ்சாட்டப்பட்ட கருப்பசாமிக்கு ஆயுள் தண்டனை விதித்து நீதிபதி தீா்ப்பளித்தாா். அரசுத் தரப்பில் வழக்குரைஞா் எம்.ஜெயந்தி ஆஜரானாா்.