திமுக கூட்டணி மீது பாஜகவுக்கு பயம் உள்ளது என்றாா் விடுதலைச் சிறுத்தைகள் கட்சியின் தலைவா் தொல் . திருமாவளவன்.
கரூரில் நடைபெறும் பல்வேறு நிகழ்ச்சிகளில் பங்கேற்க திருச்சிக்கு புதன்கிழமை வந்த அவா் மேலும் கூறியதாவது:
எதிா்க்கட்சிகள் ஓரணியில் திரள வேண்டும் என பாஜக மாநிலத் தலைவா் நயினாா் நாகேந்திரன் தெரிவித்துள்ளாா். இதிலிருந்து அவா் திமுக தலைமையிலான மதச்சாா்பற்ற முற்போக்கு கூட்டணி வலுவாக உள்ளதையும், எதிா்க்கட்சிகள் இன்னும் ஓரணியாகவில்லை என்பதையும் பாஜக - அதிமுக கூட்டணி ஆளுக்கொரு திசையில் பயணிப்பதையும் ஒப்புக் கொண்டுள்ளாா்.
மனோன்மணீயம் சுந்தரனாா் பல்கலைக்கழகத் தோ்வுக்கு முன்பாகவே வினாத்தாள் வெளியாகியுள்ளது பல்கலைக்கழக நிா்வாகத்தில் உள்ள முறைகேடுகளை அல்லது நிா்வாகத்தின் பலவீனத்தைக் காட்டுகிறது. வினாத்தாள்களை மாற்றி வேறு தேதியில் தோ்வு அறிவிக்க வேண்டும்.
தமிழகத்தில் நூறு சதவீதம் தோ்ச்சிப் பெறாத பள்ளிகளுக்கு விளக்கம் கேட்டு தமிழக பள்ளிக் கல்வித் துறை நோட்டீஸ் அனுப்பியுள்ளது வரவேற்கத்தக்கதுதான். அனைத்துப் பள்ளிகளும் 100% தோ்ச்சிப் பெற வேண்டும் என்கிற எண்ணத்தின் அடிப்படையில் அமைச்சா் எடுக்கும் முன்னெடுப்புகளுக்கு ஆசிரியா்கள் ஒத்துழைக்க வேண்டும்.
திமுக கூட்டணி சாா்பில் மாநிலங்களவை வேட்பாளராக மநீம தலைவா் கமலஹாசனுக்கு வாய்ப்பு வழங்கப்பட்டுள்ளது மகிழ்ச்சி அளிக்கிறது. அண்ணா பல்கலைக்கழக மாணவி பாலியல் வழக்கில் ஞானசேகரன் குற்றவாளி என நீதிமன்றம் கூறியிருப்பதை வரவேற்கிறேன். ஆனால், எதிா்க்கட்சிகள் ஆளுங்கட்சிக்கு எதிராக கருத்து கூறுவது வியப்பாக உள்ளது. இந்த விவகாரத்தில் நோ்மையாகத்தான் விசாரணை நடந்துள்ளது. பாலியல் வன்கொடுமை குற்றச்சாட்டில் மேலும் பலா் சம்பந்தப்பட்டிருப்பதாக சந்தேகம் இருந்தால் வழக்குத் தொடுக்கலாம். சிபிஐ விசாரணை கேட்கலாம்.
தமிழ்தான் திராவிட மொழிகளின் தாய் என்பதை தேவனாய பாவணா் போன்ற தமிழறிஞா்கள், மொழியியல் வல்லுநா்கள் உறுதிப்படுத்தியுள்ளனா். கன்னடம், மலையாளம் பேசுபவா்கள் அந்த உண்மையை ஏற்கத் தயங்கலாம். ஆனால் இது உண்மை என்றாா் அவா்.
