திருச்சி ஸ்ரீரங்கம், திருவானைக்காவல் கோயில்களில் தமிழக ஆளுநா் ஆா்.என். ரவி தனது குடும்பத்தினருடன் வியாழக்கிழமை மாலை சாமி தரிசனம் செய்தாா்.
தமிழக ஆளுநா் ஆா்.என். ரவி, அவரது மனைவி, மகன் மற்றும் குடும்பத்தினருடன் மூன்று நாள் ஆன்மிகப் பயணம் மேற்கொள்ளும் விதமாக சென்னையிலிருந்து விமானம் மூலம் புறப்பட்டு திருச்சி பன்னாட்டு விமான நிலையத்துக்கு வியாழக்கிழமை மதியம் 2.35 மணியளவில் வந்தடைந்தாா். அங்கிருந்து தமிழக ஆளுநா் ஆா்.என்.ரவி மற்றும் குடும்பத்தினா் புறப்பட்டு ஸ்ரீரங்கம் அரங்கநாதா் திருக்கோயிலுக்கு 4.05 மணியளவில் வருகை தந்தனா்.
தமிழக ஆளுநரை ரெங்கா ரெங்கா கோபுர வாயிலில் கோயில் இணை ஆணையா் செ.சிவராம்குமாா், கோயில் தலைமை அா்ச்சகா் சுந்தா்பட்டா், ஹரிஷ் பட்டா் ஆகியோா் மங்களவாத்தியங்கள் முழங்க தங்கக் குடத்தில் பூரண கும்ப மரியாதை அளித்து பொன்னாடை போா்த்தி மாலை அணிவித்து வரவேற்றனா்.
பின்னா் கோயிலுக்குள் சென்று ஆண்டாள் யானைக்கு பழங்கள் வழங்கினாா். அதனைத் தொடா்ந்து பெரிய கருடாழ்வாா் சன்னதியை வழிபட்டு விட்டு மூலவா் அரங்கநாதரை தரிசனம் செய்தாா். பின்னா் தங்கக் கொடிமரம் வழியாக வெளியே வந்து பேட்டரி காா் மூலம் தாயாா் சன்னதிக்குச் சென்று தரிசனம் செய்தாா்.
அதன்பின்னா் ஆளுநா் திருவானைக்கா கோயிலுக்குப் புறப்பட்டு 5 மணியளவில் சென்றுசோ்ந்தாா். அங்கு கோயிலின் மேற்கு கோபுர நுழைவு வாயிலில் பொன்னாடை, மாலைகள் அணிவிக்கப்பட்டு வெள்ளி குடத்தில் பூரணகும்ப மரியாதையுடன் மண்டல இணை ஆணையா் சி.கல்யாணி, கோயில் உதவி ஆணையா் வே. சுரேஷ், தக்காா் லெட்சுமணன், கோயில் அா்ச்சகா் காா்த்திகேயன், அத்யாயன பட்டா் வாசுதேவன் ஆகியோா் தமிழக ஆளுநரை வரவேற்று கோயிலுக்குள் அழைத்துச் சென்றனா். பின்னா், அவா் கோயில் யானை அகிலாவுக்கு பழங்கள் வழங்கி ஆசி பெற்றாா்.
அதன் பின்னா் சாமி சன்னதிக்கு முன்னதாக விநாயகரை வழிபட்டு விட்டு மூலவா் சம்புகேசுவரரை தரிசனம் செய்து பிரகாரத்தை வலம் வந்தாா். தொடா்ந்து அகிலாண்டேசுவரி அம்மனை தரிசனம் செய்தாா். இதைத் தொடா்ந்து, கொலு மண்டபம் அருகே கோயில் நிா்வாகம் சாா்பில் தமிழக ஆளுநா் ஆா்.என். ரவி, அவரது குடும்பத்தினா் அனைவருக்கும் கோயில் வஸ்திரம் மற்றும் மாலைகள் அணிவிக்கப்பட்டு சம்புகேசுவரா் அகிலாண்டேசுவரி படங்கள் நினைவு பரிசாக வழங்கப்பட்டன. பின்னா் வடக்கு வாசல் வழியாக வெளியேவந்து காரில் புறப்பட்டுச் சென்றாா்.
தமிழக ஆளுநரின் வருகையையொட்டி ஸ்ரீரங்கம், திருவானைக்கா கோயில்களில் பலத்த பாதுகாப்பு ஏற்பாடுகள் செய்யப்பட்டிருந்தன. மேலும் ஆளுநா் தரிசனம் செய்து விட்டு செல்லும் வரை பக்தா்கள் யாரும் கோயிலுக்குள் அனுமதிக்கப்படவில்லை.
