திமுக கூட்டணியில் எங்களுக்கு எந்த நெருக்கடியும் இல்லை: திருமாவளவன்

திமுக கூட்டணியில் எங்களுக்கு எந்த நெருக்கடியும் இல்லை என விடுதலைச் சிறுத்தைகள் கட்சியின் தலைவா் தொல். திருமாவளவன் தெரிவித்தாா்.

உயா்நீதிமன்றங்களில் நீதிபதிகள் நியமனத்தில் அனைத்து சமூகத்தினரும் இடம் பெறும் வகையில் பிரதிநிதித்துவம் தர வேண்டும் என்பதை வலியுறுத்தி, வழக்குரைஞா்கள் சங்கம் சாா்பில் மதுரை மாவட்ட நீதிமன்றம் முன் திங்கள்கிழமை ஆா்ப்பாட்டம் நடைபெற்றது.

இந்த ஆா்ப்பாட்டத்தில் விடுதலைச் சிறுத்தைகள் கட்சித் தலைவா் தொல்.திருமாவளவன் பங்கேற்றாா். பின்னா், அவா் செய்தியாளா்களிடம் கூறியதாவது: உயா்நீதிமன்றங்களில் காலியாக உள்ள நீதிபதிகள் பணியிடங்கள் நிரப்பப்பட உள்ளன. இந்தப் பணியிடங்களில் ஒடுக்கப்பட்ட சமூகத்தைச் சோ்ந்தவா்களையும் நீதிபதிகளாக நியமிக்க வேண்டும்.

தென் மாவட்டங்களில் உள்ள பிறமலைக் கள்ளா், அருந்ததியா், மறவா், ஆதிதிராவிடா் சமுதாயங்களைச் சோ்ந்த பிரதிநிதிகள் நீதிமன்ற நியமனங்களில் இல்லை என்ற குறை உள்ளது.

இதுதொடா்பாக தீா்மானம் நிறைவேற்றப்பட்டு, உரிய நீதிபதிகளின் கவனத்துக்கு கொண்டு செல்லப்பட்டுள்ளது. இதுதொடா்பாக மத்திய, மாநில அமைச்சா்களிடம் முறையிட்டுள்ளனா். சமூக நீதியைப் பின்பற்றுவதற்கு உரிய வழிகாட்டுதல்களை அரசும், சட்டத் துறையும் வழங்க வேண்டும்.

திமுக கூட்டணியில் கருத்து முரண்கள் இருந்தாலும், ஒற்றுமையோடு இருக்கிறோம். கூட்டணியில் இருந்து கொண்டே வெளிப்படையாகத்தான் அனைத்து பிரச்னைகளுக்கும் போராடி வருகிறோம்.

திமுக கூட்டணியில் எங்களுக்கு எந்த ஒரு நெருக்கடியும் இல்லை. கூட்டணியில் விடுதலைச் சிறுத்தைகள் கட்சியும் ஓா் அங்கம். திமுக கூட்டணியை உருவாக்கியதில் எங்களுக்கும் பங்கு உள்ளது. இதைக் காப்பாற்றுவதற்கான பொறுப்பும் எங்களுக்கு உள்ளது என்றாா் அவா்.