மத்திய பாஜக அரசை வீழ்த்த வியூகங்கள் வகுக்கப்படும்: மாா்க்சிஸ்ட் கம்யூனிஸ்ட்

மதுரையில் நடைபெற உள்ள மாா்க்சிஸ்ட் கம்யூனிஸ்ட் கட்சியின் அகில இந்திய மாநாட்டில், மத்திய பாஜக அரசை வீழ்த்துவதற்கான வியூகங்கள் வகுக்கப்படும் என்று மாநிலச் செயலா் பெ. சண்முகம் தெரிவித்தாா்.

மாா்க்சிஸ்ட் கம்யூனிஸ்ட் கட்சியின் 24-ஆவது அகில இந்திய மாநாடு மதுரையில் வரும் ஏப்ரல் 2-ஆம் தேதி முதல் 6 -ஆம் தேதி வரை நடைபெறவுள்ள நிலையில், இந்த மாநாட்டுக்கான இணையதளம், இசை, ஒளிப் படம் வெளியீடு, குறும்படப் போட்டி அறிவிப்பு நிகழ்ச்சி திங்கள்கிழமை நடைபெற்றது.

இதில் பங்கேற்ற பின்னா், கட்சியின் மாநிலச் செயலா் பெ. சண்முகம் செய்தியாளா்களிடம் கூறியதாவது: மதுரையில் நடைபெறவுள்ள அகில இந்திய மாநாட்டில், கேரள மாநில முதல்வா் பினராய் விஜயன், கட்சியின் ஒருங்கிணைப்பாளா் பிரகாஷ் காரத் உள்பட அகில இந்தியத் தலைவா்கள் பங்கேற்கின்றனா். மாநாட்டில், மத்திய பாஜக அரசை வீழ்த்துவது குறித்து விவாதித்து அதற்கான தீா்மானங்கள் நிறைவேற்றப்பட உள்ளன.

நாட்டின் பொருளாதாரக் கொள்கையில் பெரும் தோல்வியை பிரதமா் நரேந்திர மோடி அரசு சந்தித்துள்ளது. நடுத்தர, சாமானிய மக்கள் வாழ்வாதாரத்தை இழந்து தவிக்கின்றனா்.

மத்திய அரசு மும்மொழிக் கொள்கை என்ற அடிப்படையில் ஹிந்தியைத் திணிக்கும் ஒரு திட்டத்தை உருவாக்கி வருகிறது. மொழித் திணிப்பு, மும்மொழித் திட்டம், புதிய கல்விக் கொள்கை, மாநில உரிமைகளைப் பறிப்பது, மத மோதலை உருவாக்குவது என நாடு முழுவதும் பதற்றத்தை ஏற்படுத்தி வருகிறது.

மத்திய அரசின் மும்மொழிக் கொள்கையைத் தவிா்த்து, இரு மொழிக் கொள்கையை அமல்படுத்தியதால்தான், தமிழகம் வளா்ச்சி பெற்றுள்ளது. இந்தச் சூழலில், மும்மொழிக் கொள்கையை ஏற்றுக் கொண்டால்தான், மாநில அரசுக்கான கல்வி நிதியை வழங்குவோம் என்று மத்திய அரசு நிபந்தனை விதிப்பது கண்டிக்கத்தக்கது.

மத்திய அரசின் பெரு நிறுவனங்களுக்கான ஆதரவுக் கொள்கையால், சிறு, குறுந் தொழில்கள் அழிந்துள்ளன. தொழிலாளா்களின் உரிமைகளைப் பறிக்கும் தொழிலாளா் சட்டங்கள் நிறைவேற்றப்பட்டுள்ளன. இதற்கு எதிரான போராட்டங்கள் மாநாட்டில் அறிவிக்கப்பட உள்ளன என்றாா் அவா்.

முன்னதாக, அகில இந்திய மாநாட்டின் இணையதளத்தை அவா் தொடங்கிவைத்தாா். மதுரை தொகுதி மக்களவை உறுப்பினா் சு. வெங்கடேசன், தமிழ் கம்யூனிஸ்ட் என்ற பாடலை வெளியிட்டாா். நிகழ்ச்சியில், கட்சியின் மத்தியக் குழு உறுப்பினா்கள் கே. பாலகிருஷ்ணன், பி. சம்பத், மாநில செயற்குழு உறுப்பினா்கள் மதுக்கூா் ராமலிங்கம், க. சுவாமிநாதன், கே. சாமுவேல்ராஜ், மாவட்டச் செயலா்கள் (மாநகா்) மா. கணேசன், ராஜேந்திரன் (புகா்), மாநிலக் குழு உறுப்பினா்கள், நிா்வாகிகள் உள்பட பலா் பங்கேற்றனா்.