Fahadh Faasil: நடிகர் பஹத் பாசில் வாங்கியிருக்கும் `Ferrari Purosangue' - மதிப்ப...
திருவள்ளூா் மாவட்டத்தில் ஆண்டுதோறும் சுற்றுலாத் துறையால் சுற்றுலா தொழிலை மேம்படுத்தும் நோக்கத்தில் வழங்கப்படும் சுற்றுலா தொழில் முனைவோா்களுக்கான விருதுகள் பெற செப். 15-க்குள் விண்ணப்பிக்கலாம் என ஆட்சியா் மு.பிரதாப் தெரிவித்துள்ளாா்.
இது குறித்து அவா் வெளியிட்டுள்ள செய்திக் குறிப்பு: ஒவ்வொரு ஆண்டும் சுற்றுலாத் தொழிலை ஊக்குவிக்கும் வகையில், சுற்றுலா தொழில்முனைவோருக்கு சுற்றுலா விருதுகள் வழங்கி கெளரவிக்கப்பட்டு வருகின்றனா். அதன்படி, நிகழாண்டில் சுற்றுலாத் தொழிலில் ஈடுபட்டுள்ள தொழில்முனைவோருக்கு 17 வகைப் பிரிவுகளில் 48 விருதுகள் வழங்கப்பட உள்ளது.
அதன்படி, தமிழ்நாட்டுக்கான சிறந்த சுற்றுலா ஏற்பாட்டாளா், சிறந்த உள்நாட்டு சுற்றுலா ஏற்பாட்டாளா், சிறந்த பயண பங்குதாரா், சிறந்த விமான பங்குதாரா், சிறந்த தங்குமிடம், சிறந்த உணவகம், தமிழ்நாடு சுற்றுலா வளா்ச்சிக் கழகத்தின் சிறந்த உணவகம், தங்குமிடம் மற்றும் படகு இல்லம், சுற்றுலா ஊக்குவிப்பதற்கான சிறந்த மாவட்டம், சுத்தமான சுற்றுலாத் தலம், பல்வேறு சுற்றுலாப் பிரிவுகளின் சிறந்த ஏற்பாட்டாளா், சிறந்த சாகச மற்றும் தங்கும் முகாம்களுக்கான சுற்றுலா ஏற்பாட்டாளா், சமூக ஊடகங்களில் அதிகளவு தாக்கத்தை ஏற்படுத்துபவா், சிறந்த சுற்றுலா வழிகாட்டி, தமிழ்நாட்டுக்கான சிறந்த சுற்றுலா விளம்பரம், சுற்றுலாவை பிரபலப்படுத்தும் வகையில் சிறப்பாக விளம்பரப்படுத்துதல், சுற்றுலா மற்றும் விருந்தோம்பலில் சிறந்த கல்வி நிறுவனம் ஆகியவற்றுக்கு நிகழாண்டில் சுற்றுலா விருதுக்கான விண்ணப்பங்கள் வரவேற்கப்படுகின்றன.
அதன்படி, இணையதள முகவரியில் கொடுக்கப்பட்டுள்ள விண்ணப்பப் படிவங்களை பூா்த்தி செய்து செப். 15-க்குள் தேவையான சான்றிதழ்களுடன் பதிவேற்றம் செய்யலாம். இந்த விண்ணப்பங்கள் தோ்வுக் குழுவினரால் பரிசீலனை செய்து தோ்வு செய்யப்படும். எனவே திருவள்ளூா் மாவட்ட சுற்றுலாத் தொழில்முனைவோா் அனைவரும் சுற்றுலா விருதுக்கான விண்ணப்பங்களை விரைந்து இணையதளத்தில் பதிவு செய்து பயன்பெறலாம்.
