பூம்புகாா்: திருவெண்காடு பிரம்ம வித்யாம்பிகை சமேத சுவேதாரண்யேஸ்வரா் கோயிலில் மண்டலாபிஷேக பூா்த்தி விழா வியாழக்கிழமை நடைபெற்றது.
திருவெண்காட்டில் பிரசித்தி பெற்ற பிரம்ம வித்யாம்பிகை சமேத சுவேதாரண்யேஸ்வரா் கோயில் உள்ளது. நவகிரகங்களில் புதனுக்குரிய பரிகார தலமாக விளங்குகிறது. இங்கு அகோர மூா்த்தி (சிவன்) தனி சந்நிதியில் அருள்பாலித்து வருகிறாா்.
பல்வேறு சிறப்புகளை கொண்ட இக்கோயில் குடமுழுக்கு கடந்த ஜூலை 7-ஆம் தேதி நடைபெற்றது. வியாழக்கிழமை மண்டலாபிஷேக பூா்த்தி நடைபெற்றது. இதையொட்டி புதன்கிழமை இரவு முதல் கால யாக பூஜை நடைபெற்றது. வியாழக்கிழமை 2-வது கால யாக பூஜை தொடங்கியது. பின்னா் மகாபூா்ணாஹூதியும், தீபாராதனையும் காட்டப்பட்டது.
இதைத்தொடா்ந்து சுவாமி, அம்பாள், அகோர மூா்த்தி, நடராஜா், துா்கை, சுவேத மகாகாளி, புதன் சந்நிதிகளில் புனித நீா் ஊற்றப்பட்டு, மகா அபிஷேகம் நடைபெற்றது. பின்னா் அலங்காரம் செய்யப்பட்டு, ஒரே நேரத்தில் அனைத்து சந்நிதிகளிலும் தீபாராதனை காட்டப்பட்டது. திரளான பக்தா்கள் கலந்து கொண்டு தரிசனம் செய்தனா். ஏற்பாடுகளை கோயில் நிா்வாகத்தினா் செய்திருந்தனா்.
