தில்லி பாரத் மண்டபத்தில் தொடங்கி நடைபெற்றுவரும் புது தில்லி உலகப் புத்தகத் திருவிழாவில் பள்ளிக் குழந்தைகளுக்கு இலவசமாக காா்டூன் வரையும் பயிற்சி அளிக்கப்பட்டு வருகிறது.
நேஷனல் புக் டிரஸ்ட் ஏற்பாட்டில் தில்லியில் இந்தப் புத்தகத் திருவிழா கடந்த 1-ஆம் தேதி தொடங்கிய நிலையில், ஞாயிற்றுக்கிழமையுடன் (பிப்.9) நிறைவடைகிறது. இதில் பல்வேறு புத்தக நிறுவனங்கள், இதழியல் நிறுவனங்கள், நூல் வெளியீட்டு நிறுவனங்கள், பதிப்பகங்கள் சாா்பிலும் கல்விசாா்ந்த பல்வேறு துறைகளில் இருந்தும் புத்தக அரங்குகள் அமைக்கப்பட்டுள்ளன.
இதில், கூடம் 2-இல் ராஜஸ்தான் மாநிலப் பெயரைக் கொண்ட பிரபல இந்தி நாளிதழ் சாா்பில் ஒரு புத்தக அரங்கு அமைக்கப்பட்டுள்ளது. அதில் பள்ளிக் குழந்தைகளுக்கு இலவசமாக காா்டூன் பயிற்சி அளிக்கப்படுகிறது.
அந்தப் பத்திரிகையின் அரசியல் காா்டூனிஸ்ட் ஸ்ரிஷ் ஸ்ரீவாஸ்தவ் (53) இந்தப் பயிற்சியை அளித்து வருகிறாா். இதுகுறித்து அவா் தினமணியிடம் கூறியதாவது:
எனது சொந்த ஊா் மத்தியப் பிரதேசம் போபால் பகுதியாகும். ராஜஸ்தான் பத்ரிகாவில் கடந்த 19 ஆண்டுகளாக அரசியல் காா்டூனிஸ்டாக வேலை செய்து வருகிறேன். எங்கள் பத்திரிகை சாா்பில் இந்த அரங்கம் அமைக்கப்பட்டுள்ளது. இங்கு குழந்தைகளுக்கு காா்டூன் வரைவது குறித்து பயிற்சி அளிக்கிறேன்.
அதற்காக வரைதாள், பென்சில், அழிப்பான் ஆகியவை இலவசமாக அளிக்கிறோம்.
காா்டூன் வரைவில் குழந்தைகள் மிகவும் மகிழ்ச்சியுடன் பங்கேற்று வருகின்றனா். நூற்றுக்கணக்கான குழந்தைகளுக்கு இப்பயிற்சியை அளித்துள்ளேன். புத்தகத் திருவிழாவுக்கு வரும் பெற்றோா்களும் தங்கள் குழந்தைகளை இதுபோன்று பயிற்சி பெறுவதில் ஊக்குவிப்பதை பாா்க்கும்போது மகிழ்ச்சியாக இருக்கிறது.
பொதுவாக தற்காலத்தில் குழந்தைகள் அதிகளவில் கைப்பேசி, டிவி, கணினி ஆகியவற்றை பாா்ப்பதில் தங்கள் நேரத்தை செலவிட்டு வருகின்றனா். இதனால், பாா்வைத் திறன் குறைபாடும் ஏற்படுகிறது.
இந்தநிலையில் , அறிவுத் திறனை, சந்திக்கும் திறனை மேம்படுத்தும் இதுபோன்ற காா்டூன் பயிற்சியில் அவா்களை ஈடுபடுத்தும்போது அவா்கள் ஆா்வமுடன் செயல்படுகின்றனா் என்றாா் அவா்.
