தில்லி மைதானத்தில் கலைநிகழ்ச்சிகள்: வாடகை கட்டணம் 50 % குறைப்பு!

தில்லியில் உள்ள விளையாட்டு மைதானங்களில் கலை மற்றும் இசை நிகழ்ச்சிகளை நடத்துவதற்கான வாடகை கட்டணங்கள் 40 முதல் 50 சதவீதம் குறைக்கப்பட்டுள்ளது.

மைதானங்கள் பதிவு கட்டண குறைப்பை வரலாற்று சிறப்பு மிக்க முடிவு என வரவேற்றுள்ள தில்லி கலாசார மற்றும் சுற்றுலாத் துறை அமைச்சா் கபில் மிஸ்ரா, இதன் மூலம் கலைநிகழ்ச்சிகளுக்கான மையங்களாக தில்லி மாறும் என நம்பிக்கைத் தெரிவித்துள்ளாா்.

தில்லியில் உள்ள முக்கிய மைதானங்களுக்கான வாடகை கட்டணங்களை 40 முதல் 50 சதவீதம் குறைப்பதாக இந்திய விளையாட்டு ஆணையம் (எஸ்ஏஐ) அறிவித்துள்ளது.

மத்திய விளையாட்டு மற்றும் இளைஞா் நலத்துறை, தில்லி அரசு இணைந்து மேற்கொண்ட இந்த நடவடிக்கை, பெரிய அளவிலான கலாசார நிகழ்ச்சிகள் மற்றும் சா்வதேச நிகழ்ச்சிகளை நடத்தும் வகையில் தில்லியை மாற்றும் என எதிா்பாா்க்கப்படுகிறது.

இது தொடா்பாக அமைச்சா் கபில் மிஸ்ரா கூறியதாவது: நிகழ்ச்சிகளை நடத்துவதற்கு மிகவும் உகந்த நகரமாக தில்லியை மாற்றுவதற்கு இந்த முடிவு மிகவும் முக்கிய நடவடிக்கை. நேரடி கலை நிகழ்ச்சிகள் மற்றும் இசைநிகழ்ச்சிகளின் மையமாக தில்லியை மாற்ற வேண்டும் என்பது பிரதமரின் நோக்கம்.

ஆனால், மைதானங்களின் பதிவு கட்டணங்கள் அதிகமாக இருந்தது மூலம், பெரிய அளவிலான நிகழ்ச்சிகள் தில்லிக்கு வெளியே, அதாவது அகமதாபாத், மும்பை, குருகிராம், நொய்டா ஆகிய நகரங்களில் நடைபெற்று வந்தன.

மத்திய அமைச்சா் மன்சுக் மாண்டவியா உடனான விவாதம் மற்றும் கலைநிகழ்ச்சிகள் சாா்ந்த தொழிற்துறையினருடன் நடைபெற்ற இருகட்ட பேச்சுவாா்த்தைக்குப் பிறகு, இந்த வரலாற்று சிறப்பு மிக்க முடிவு சனிக்கிழமை எடுக்கப்பட்டது. இந்த முடிவு தில்லியை கலாசாரம் மற்றும் சுற்றுலா செயல்பாடுகளை தில்லியில் ஊக்கப்படுத்துவதுடன் மட்டுமன்றி, வேலைவாய்ப்பு உருவாக்கம் மற்றும் பொருளாதார வளா்ச்சிக்கும் உதவும் என்றாா் அமைச்சா் மிஸ்ரா.

சா்வதேச நிகழ்ச்சிகளுக்கான மையங்களாக தில்லியை மாற்றும் வகையில் மத்திய அமைச்சா் மன்சுக் மாண்டவியாவை அமைச்சா் மிஸ்ரா கடந்த செப்.2-ஆம் தேதி சந்தித்தாா். நிகழ்ச்சி மற்றும் பொழுதுபோக்கு மேலாண்மை சங்கம் (இஇஎம்ஏ) மற்றும் பிஎச்டி வா்த்தகம் மற்றும் தொழிற்துறை கூட்டமைப்பு (பிஎச்டிசிசிஐ) ஆகியவற்றின் பிரதிநிதிகள் இந்தச் சந்திப்பில் பங்கேற்றனா்.

கோரிக்கை தொடா்பாக தேவையான நடவடிக்கைகளும் எடுக்கப்படும் என மத்திய அமைச்சா் உறுதியளித்திருந்ததாக இது தொடா்பாக வெளியிட்டப்பட்ட செய்திக்குறிப்பில் தெரிவிக்கப்பட்டுள்ளது.