மதுரை துணை வட்டாட்சியா் மீது ஊழல் தடுப்பு, கண்காணிப்புப் பிரிவு போலீஸாா் வழக்குப் பதிவு செய்தனா்.
மதுரையில் செயல்பட்டு வந்த தனியாா் நிதி நிறுவனத்தில் மோசடி நடைபெற்றது தொடா்பாக பாதிக்கப்பட்டவா்கள் காவல் நிலையத்தில் புகாா் அளித்தனா். இதனிடையே, அந்த நிதி நிறுவனத்தின் உரிமையாளா் தனக்குச் சொந்தமான 2 சொத்துகளை இளங்கோ, பழனியப்பன் ஆகியோருக்கு விற்பனை செய்தாா்.
இதையறிந்த முதலீட்டாளா்கள், மோசடி பணத்தில் வாங்கிய சொத்துகளை விற்பனை செய்தது தவறு. இந்தச் சொத்துகளை ஏலம்விட்டு தங்களது முதலீட்டுத் தொகையை திருப்பி ஒப்படைக்க உத்தரவிட வேண்டும் எனக் கோரி சென்னை உயா்நீதிமன்ற மதுரை அமா்வில் வழக்குத் தொடுத்தனா். இதையடுத்து, இந்தச் சொத்துகளை ஏலம் விடுவதற்கு மாவட்ட வருவாய் அலுவலருக்கு உயா்நீதிமன்றம் உத்தரவிட்டது.
அப்போது, மதுரை மாவட்ட வருவாய் அலுவலா் அலுவலகத்தில் தலைமை அலுவலராகப் பணியாற்றிய தனபாண்டி (42), இந்த சொத்துகளை ஏலம்விடாமல் காலம் தாழ்த்துவதற்கு ரூ. 1. 65 லட்சம் லஞ்சம் பெற்ாக ஊழல் தடுப்பு, கண்காணிப்புப் பிரிவு போலீஸாருக்கு தகவல் கிடைத்தது.
இதன்பேரில், மதுரை மாவட்ட ஊழல் தடுப்பு, கண்காணிப்புப் பிரிவு துணைக் கண்காணிப்பாளா் சத்தியசீலன் தலைமையிலான போலீஸாா் தனபாண்டி வீட்டில் வெள்ளிக்கிழமை சோதனை செய்து, சில ஆவணங்களைக் கைப்பற்றினா்.
இதில், தனபாண்டி லஞ்சம் பெற்றது உறுதியானதையடுத்து, அவா் மீது மதுரை ஊழல் தடுப்பு, கண்காணிப்புப் பிரிவு போலீஸாா் வழக்குப் பதிவு செய்து விசாரித்து வருகின்றனா். தனபாண்டி தற்போது மதுரை மாவட்ட தோ்தல் பிரிவு துணை வட்டாட்சியராகப் பணியாற்றி வருகிறாா்.
