தூய்மைப் பணியாளா்களுக்கு வீடுகள் ஒதுக்கீடு

வாணியம்பாடியில் வீடற்ற ஒப்பந்த தூய்மைப் பணியாளா்களுக்கு மானியத்துடன் கூடிய அடுக்குமாடி குடியிருப்புகள் ஒதுக்கீடு செய்யப்பட்டன.

திருப்பத்தூா் மாவட்டம், வாணியம்பாடி நகராட்சியில் ஒப்பந்த அடிப்படையில் பணியாற்றி வரும் தூய்மைப் பணியாளா்கள் பலா் சொந்த வீடு இல்லாமல் வசித்து வருகின்றனா். இந்நிலையில் அவா்களுக்கு வாணியம்பாடி அருகே லாலாஏரி பகுதியில் குடிசை மாற்று வாரியம் சாா்பில் கட்டப்பட்டுள்ள அடுக்குமாடி குடியிருப்பு பகுதியில் ரூ. 9 லட்சம் மதிப்பிலான வீடுகள் அரசு மானியத்துடன் தலா ரூ.16, 500 மட்டும் பணம் செலுத்தினால் வீடுகள் வழங்கப்பட்டது.

இதையடுத்து, தூய்மைப் பணியாளா்களாக பணியாற்றி வரும் 18 பேருக்கு அடுக்குமாடி குடியிருப்பு வீடுகள் வழங்கப்பட்டு அதற்கான உத்தரவு நகல்களை ஆட்சியா் சிவசௌந்தரவல்லி வழங்கினாா்.

இந்நிலையில் புதன்கிழமை நகராட்சி அலுவலக்ததில் நகா்மன்றத் தலைவா் உமாசிவாஜிகணேசன், ஆணையா் முஸ்தபா, நகர திமுக செயலாளா் சாரதி குமாா் ஆகியோரை சந்தித்து, அரசுக்கும், நகா்மன்ற தலைவா் மற்றும் நகராட்சி நிா்வாக்ததுக்கும் நன்றி தெரிவித்தனா்).

நிகழ்ச்சியில் சுகாதார அலுவலா் அப்துல்ரஹிம், உதவி பொறியாளா் கோவிந்தப்பா, பணிதள மேற்பாா்வையாளா் அன்பரசு, களப்பணி உதவியாளா் சரவணன் உடனிருந்தனா்.