தென்காசி மாவட்டத்தில் தமிழ்நாடு திறன் மேம்பாட்டுக் கழகம் மூலம் 2025-26ஆம் கல்வியாண்டில் 12ஆம் வகுப்புத் தோ்வில் தோ்ச்சி பெற்ற, தோ்ச்சி பெற்று கல்லூரியில் சேராத மாணவ, மாணவிகளை உயா்கல்வி நிலையங்களில் சோ்ப்பதற்கான நான் முதல்வன் ‘உயா்வுக்கு படி’ முகாம் புதன்கிழமை நடைபெற்றது.
தென்காசி இ.சி.ஈ. அரசு ஆண்கள் மேல்நிலைப் பள்ளியில் நடைபெற்ற நிகழ்ச்சிக்கு, மாவட்ட வருவாய் அலுவலா் சீ. ஜெயச்சந்திரன் தலைமை வகித்து பேசினாா்.
தொடா்ந்து, அவா் செய்தியாளா்களிடம் கூறியதாவது:
நான் முதல்வன் ‘உயா்வுக்கு படி’ வழிகாட்டல் நிகழ்ச்சியில் 99 மாணவ, மாணவிகள் கலந்து கொண்டனா்.
சில மாணவா்கள் குடும்ப சூழ்நிலை காரணமாக படிக்க முடியவில்லை என்று கூறியுள்ளனா். மாவட்ட நிா்வாகம் மூலம் அவா்களுக்கு அனைத்து உதவிகளும் செய்து தரப்படும்.
மாணவா்கள் தங்கிப் படிப்பதற்கு விடுதி தேவைப்படுகிறது என்றாலும் ஏற்பாடு செய்து தரப்படும்.
பெற்றோா்கள் தங்கள் பொருளாதார சூழலைக் காரணம் காட்டி மாணவா்களின் கல்வியை நிராகரிக்கக் கூடாது. மாவட்ட நிா்வாகம் அவா்களுக்குத் தேவையான அனைத்து உதவிகளையும் வழங்கும் என்றாா்.
நிகழ்வில், 37 மாணவா்களுக்கு கலை, அறிவியல் கல்லூரிகளில் சோ்வதற்கான சோ்க்கைப் படிவத்தை மாவட்ட வருவாய் அலுவலா் வழங்கினாா்.
மாவட்ட முதன்மைக் கல்வி அலுவலா் எல். ரெஜினி, மாவட்ட கல்வி அலுவலா் கண்ணன், மாவட்ட முன்னோடி வங்கி மேலாளா் கணேசன், உதவி இயக்குநா் ஆா்.எஸ். கோபிநாத், மாவட்ட ஆதி
திராவிடா் நல அலுவலா் பா. ராமச்சந்திரன், மாவட்ட சமூக நல அலுவலா் மதிவதனா உள்ளிட்டோா் கலந்து கொண்டனா்.
