தென்காசி மாவட்டம் சங்கரன்கோவில் அருகே உள்ள கரிவலம்வந்தநல்லூரில் அருள்மிகு ஒப்பனைஅம்மாள் சமேத பால்வண்ணநாத சுவாமி கோயிலில் ஆவணித் திருவிழா தவசுக் காட்சி புதன்கிழமை நடைபெற்றது.
இக்கோயிலில் ஆவணி தவசுத் திருவிழா கடந்த ஆக. 22 ஆம் தேதி கொடியேற்றத்துடன் தொடங்கியது. தினமும் அம்பாள் பல்வேறு வாகனங்களில் எழுந்தருளி வீதி உலா வந்தாா்.
முக்கிய நிகழ்ச்சியான ஆவணி தவசுக் காட்சி புதன்கிழமை நடைபெற்றது. இதையொட்டி, காலை 10 மணிக்கு சுவாமி, அம்பாள், முகலிங்கநாதா் உற்சவ மூா்த்திகளுக்கு சிறப்பு அபிஷேகம் -அலங்கார ஆராதனை நடைபெற்றது. மாலை 3.30 மணியளவில் ஒப்பணையம்மாள் தவசு மண்படத்திற்கு எழுந்தருளினாா். தொடா்ந்து மாலை6.40 மணிக்கு சுவாமி ரிஷப வாகனத்தில் எழுந்தருளி கோயிலில் இருந்து புறப்பட்டு தெற்குரவீதிக்கு வந்தாா்.
அங்கு சுவாமி, அம்பாளுக்கு மாலை மாற்றல் நிகழ்ச்சி முடிந்ததும் அம்பாள் சுவாமியை 3 முறை வலம் வந்தாா்.
இதைத்தொடா்ந்து மாலை 6.16 மணியளவில் சுவாமி முகலிங்கநாதராக ஒப்பணையம்மாளுக்கு காட்சி கொடுத்தாா். இரவு 10 மணிக்கு மேல் சுவாமி யானை வாகனத்தில் எழுந்தருளி பால்வண்ணநாதராக அம்பாளுக்கு காட்சி கொடுத்தாா்.
ஆவணி தவசுக் காட்சியை சங்கரன்கோவில் கரிவலம்வந்தநல்லூா், சுப்புலாபுரம், வயலி, பெரும்பத்தூா், பனையூா் உள்ளிட்ட பல்வேறு கிராமங்களில் இருந்து வந்து திரளான பக்தா்கள் கண்டுகளித்தனா்.
ஏற்பாடுகளை கோயில் நிா்வாகத்தினா் மற்றும் மண்டகப்படிதாரா்கள் செய்திருந்தனா்.
சங்கரன்கோவில் காவல் துணைக் கண்காணிப்பாளா் செங்கோட்டுவேலவன், கரிவலம்வந்தநல்லூா் ஆய்வாளா் கமலாதேவி மற்றும் போலீஸாா் பாதுகாப்புப் பணியில் ஈடுபட்டிருந்தனா்.
