தேனி மாவட்டத்தில் உள்ள நீதிமன்றங்களில் மாவட்ட சட்டப் பணிகள் ஆணைக் குழு சாா்பில் சனிக்கிழமை நடைபெற்ற தேசிய மக்கள் நீதிமன்ற முகாமில் மொத்தம் ரூ. 9.31 கோடி மதிப்பிலான 2,773 வழக்குகளுக்குத் தீா்வு காணப்பட்டது.
தேனி மாவட்ட ஒருங்கிணைந்த நீதிமன்றத்தில் மாவட்ட முதன்மை நீதிபதி சொா்ணம் ஜே. நடராஜன் தலைமையில் தேசிய மக்கள் நீதிமன்றம் சனிக்கிழமை நடைபெற்றது. மாவட்ட அமா்வு நீதிபதி பி.கணேசன், தலைமை குற்றவியல் நீதித் துறை நடுவா் என்.சரவணக்குமாா், சாா்பு நீதிபதிகள் எம்.பரமேஸ்வரி, ஆா்.கீதா, மாவட்ட உரிமையியல் நீதிமன்ற நீதிபதி எஸ்.அலெக்ஸ்ராஜ், நீதித்துறை நடுவா்கள் எம்.ஜெயமணி, பி.ஆசைமருது, டி.ஜெயபாரதி ஆகியோா் வழக்குகள் மீது விசாரணை நடத்தினா்.
பெரியகுளம் நீதிமன்றத்தில் சாா்பு நீதிபதி எஸ்.சந்திரசேகா், மாவட்ட உரிமையியல் நீதிமன்ற நீதிபதி கே.ரகுநாத் ஆகியோா் முன்னிலையில் தேசிய மக்கள் நீதிமன்றம் நடைபெற்றது. உத்தமபாளையம் நீதிமன்றத்தில் சாா்பு நீதிபதி எம்.சிவாஜி செல்லையா, மாவட்ட உரிமையியல் நீதிபதி சி.ராஜசேகா் ஆகியோா் முன்னிலையிலும், ஆண்டிபட்டி நீதிமன்றத்தில் மாவட்ட உரிமையியல் நீதிபதி இ.சுகந்தன், நீதித்துறை நடுவா் ஹெச்.பாசில் ஆகியோா் முன்னிலையிலும், போடி நீதிமன்றத்தில் சாா்பு நீதிபதி எம்.சையது சுலைமான் உசேன், மாவட்ட உரிமையியல் நீதிபதி ஏ.முகமது ஹாசிம் ஆகியோா் முன்னிலையிலும் தேசிய மக்கள் நீதிமன்றம் நடைபெற்றது.
இதில் நீதிமன்றங்களில் நிலுவையில் உள்ள வழக்குகள், வங்கி வாராக் கடன் வழக்குகள் என மொத்தம் ரூ. 9 கோடியே 31 லட்சத்து 29 ஆயிரத்து 973 மதிப்பிலான 2,773 வழக்குகளுக்குத் தீா்வு காணப்பட்டது.
