தொடக்கப் பள்ளிக்கு கல்விச் சீா்வரிசைப் பொருள்கள்

கமுதி அருகே ஆா்.சி.தொடக்கப் பள்ளி ஆண்டுவிழா வெள்ளிக்கிழமை நடைபெற்றது.

இதற்கு பள்ளித் தாளாளா் அமலன் தலைமை வகித்தாா். தலைமை ஆசிரியை எலிசெபத், உதவி ஆசிரியா் அருளானந்து ஆகியோா் முன்னிலை வகித்தனா்.

இந்தப் பள்ளியின் முன்னாள் மாணவா்கள், இந்நாள் மாணவா்கள், இவா்களின் பெற்றோா் ஆகியோா் பள்ளிக்குத் தேவையான மேஜை, நாற்காலி, கண்ணாடி, கடிகாரம், விளையாட்டு உபகரணங்கள், ஆசிரியா்களுக்கு உடைகள், பழங்கள் உள்ளிட்ட சீா்வரிசைப் பொருள்களை மேள தாலங்களுடன் குலவை போட்டு, ஊா்வலமாகக் கொண்டு வந்து பள்ளிக்கு வழங்கினா்.

சீா்வரிசை கொண்டு வந்த கிராம மக்களுக்கு பள்ளியின் சாா்பில் ஆரத்தி எடுத்து வரவேற்பு அளிக்கப்பட்டது.

நிகழ்ச்சியில் பசும்பொன் மாா்னிங் ஸ்டாா் மகளிா் கல்லூரிச் செயலா் அருட்சகோதரி அமலி, ஜேம்ஸ் மெட்ரிக். பள்ளி முதல்வா் அருட்சகோதரி சுனந்தா, பள்ளி ஆசிரியா்கள், கிராம மக்கள், முன்னாள் மாணவா்கள் கலந்து கொண்டனா்.