இறுதிப் போட்டிக்கு தகுதி பெறும் முனைப்பில் இந்தியா: பாகிஸ்தானுடன் இன்று மோதல்!
நாமக்கல் மாவட்டத்தில் 2 ஆயிரம் மாணவ, மாணவிகளுக்கு ரூ. 50 கோடி கல்விக்கடன் வழங்க இலக்கு நிா்ணயிக்கப்பட்டுள்ளதாக ஆதிதிராவிடா் நலத்துறை அமைச்சா் மா.மதிவேந்தன் தெரிவித்தாா்.
நாமக்கல் அருகே எா்ணாபுரத்தில் உள்ள தனியாா் பொறியியல் கல்லூரியில், மாவட்ட நிா்வாகம் மற்றும் மாவட்ட முன்னோடி வங்கியுடன் அனைத்து வங்கிகள் இணைந்து நடத்திய மாபெரும் கல்விக்கடன் முகாம் சனிக்கிழமை தொடங்கியது.
இதில், மாவட்ட ஆட்சியா் துா்காமூா்த்தி தலைமை வகித்தாா். மாநிலங்களவை உறுப்பினா் கே.ஆா்.என்.ராஜேஸ்குமாா், மக்களவை உறுப்பினா் வி.எஸ்.மாதேஸ்வரன், சட்டப் பேரவை உறுப்பினா் பெ.ராமலிங்கம் ஆகியோா் முன்னிலை வகித்தனா். தமிழக ஆதிதிராவிடா் மற்றும் பழங்குடியினா் நலத்துறை அமைச்சா் மா.மதிவேந்தன் பங்கேற்று 161 மாணவ, மாணவிகளுக்கு ரூ. 14.23 கோடி மதிப்பில் கடனுதவிகளை வழங்கி பேசியதாவது:
தமிழக அரசு இம்மாவட்டத்தில் 2 ஆயிரம் மாணவ, மாணவிகளுக்கு கல்விக்கடன் வழங்க ரூ. 50 கோடி இலக்கு நிா்ணயித்துள்ளது. இந்த இலக்கை அடைய மாவட்ட முன்னோடி வங்கி, அனைத்து வங்கிகளையும் ஒருங்கிணைத்து கல்விக்கடன் முகாம்களை கிராம ஊராட்சி அளவிலும், வட்டார அளவிலும் நடத்தி வருகிறது. இணையம் வழியாக கல்விக்கடன் கோரிய விண்ணப்பங்கள் பதிவேற்றம் செய்யப்பட்டன.
அதன்படி, அனைத்து வங்கிகள் நடத்திய இந்தக் கல்விக்கடன் முகாமில் ரூ. 14.23 கோடி அளவில் கல்விக்கடன் வழங்கப்பட்டுள்ளது. கல்விக்கடனுக்கு இதுவரை விண்ணப்பிக்காத மாணவா்கள் புதிதாக கல்விக்கடன் பெற ஏதுவாக விண்ணப்பங்களை இணையத்தில் பதிவேற்றம் செய்யலாம் என்றாா்.
இம்முகாமில், மகளிா் திட்ட இயக்குநா் கு.செல்வராசு, தனித்துணைஆட்சியா் (சமூக பாதுகாப்புத் திட்டம்) ச.பிரபாகரன், மாவட்ட முன்னோடி வங்கி மேலாளா் ம.மலா்விழி, துணைப் பொது மேலாளா் ஜி.தாமோதரன், முதன்மை மேலாளா் (இந்தியன் வங்கி, நாமக்கல்) கௌரி உள்ளிட்டோா் கலந்துகொண்டனா்.
